ଅନୁଗୋଳ: କୋଇଲା ଖଣି ମାଟି ଦବି ମୃତ୍ୟୁବରଣ କରିଥିବା ମୃତକଙ୍କ ପରିବାରକୁ ଭେଟିଲେ ରାଜ୍ୟ ଶ୍ରମ ମନ୍ତ୍ରୀ ସୁଶାନ୍ତ ସିଂ । ଏହାସହ ପାଞ୍ଚ ଲକ୍ଷ ଟଙ୍କାର ସହାୟତା ରାଶି ମଧ୍ୟ ପ୍ରଦାନ କରିଛନ୍ତି । ମନ୍ତ୍ରୀ ପ୍ରଥମେ ଜିଲ୍ଲାରେ ପହଞ୍ଚି ସ୍ଥାନୀୟ ବିଧାୟକଙ୍କ ସହ ଆଲୋଚନା କରିଥିଲେ । ସେମାନଙ୍କ ସହ ମୃତକଙ୍କ ପରିବାର ସହ ସାକ୍ଷାତକାର କରିଥିଲେ ।
ତେବେ ଆଗାମୀ ଦିନରେ ଶ୍ରମିକମାନେ କିପରି ସୁରକ୍ଷିତ ଭାବେ କାର୍ଯ୍ୟ କରିପାରବେ ସେ ନେଇ ପଦକ୍ଷେପ ନିଆଯିବ ବୋଲି କହିଛନ୍ତି ମନ୍ତ୍ରୀ । ପ୍ରକାଶଥାଉକି, ଗତ ମଙ୍ଗଳବାର ଭରତପୁର କୋଇଲା ଖଣିରେ ମାଟି ଧସି ସୁପରଭାଇଜର ରଶ୍ମିରଞ୍ଜନ ବେହେରା, ସୁରକ୍ଷାଗାର୍ଡ ରମେଶ ଦାସ ଓ ପମ୍ପ ଖଲାସି ରାଜକିଶୋର ମହାପାତ୍ର ଓ ଡ୍ରାଇଭର ପୁପୁନ ବିଶ୍ବାଳଙ୍କ ମୃତ୍ୟୁ ହୋଇଥିଲା । ଅନ୍ୟପକ୍ଷେ ସୁରକ୍ଷା ଗାର୍ଡ ରମେଶ ଦାସଙ୍କ ମୃତ ଶରୀର ମିଳିପାରିନାହିଁ । କେବଳ ପୂର୍ବରୁ ମିଳିଥିବା କଟା ହାତ ଓ ଶରୀର ଅଂଶ ପରିବାରକୁ ହସ୍ତାନ୍ତର କରାଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ