ଅନୁଗୋଳ: ପାଖାପାଖି 25 ଦିନ ହେବ ବନ୍ଦ ରହିଛି କୋଇଲା ଖଣି । କୋଇଲା ଲୋଡିଂ ବିବାଦକୁ ନେଇ ଏମସିଏଲର ବଳରାମ କୋଇଲା ଖଣିରେ ଏକ ରକମର ଅଚଳାବସ୍ଥା । ସେପଟେ କାମ ଧନ୍ଦା ନ ପାଇ ଆନ୍ଦୋଳନରେ ଗାଁ ଲୋକେ । ଜିଲ୍ଲାପାଳଙ୍କ ଅଫିସ ସମ୍ମୁଖରେ 5 ଦିନ ହେବ ଗଣଧାରଣା ଦେବା ସହ ଆଜି 5ଟି ଗାଁର ଲୋକେ ପ୍ରତିବାଦ ଓ ବିକ୍ଷୋଭ କରିଛନ୍ତି ।
ଗାଁ-ଗାଁ ବିବାଦ ପାଇଁ ୨୫ ଦିନ ହେବ ବନ୍ଦ ରହିଛି କୋଇଲା ଖଣି
ଅନୁଗୋଳ ଜିଲ୍ଲା ତାଳଚେର ଅଞ୍ଚଳରେ ଥିବା ଏମସିଏଲର କୋଇଲା ଖଣି ଅଞ୍ଚଳରେ ତୁଟୁନି ଅଡ଼ୁଆ । କୋଇଲା ଲୋଡିଂକୁ ନେଇ ଦୁଇ ଗାଁ ସୋଲଡା ଓ ଡଅଁରା ମଧ୍ୟରେ ଛକାପଞ୍ଝା ଭିତରେ 25 ଦିନ ହେବ ବନ୍ଦ ରହିଛି ବଳରାମ କୋଇଲା ଖଣି । ଫଳରେ ଜୀବିକା ହରାଇ ରାଜରାସ୍ତାରେ ପାଞ୍ଚୋଟି ଗାଁ ଲୋକେ । ପାଞ୍ଚ ଦିନ ହେବ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଧାରଣା ଦେବା ପରେ ଏବେ ଖଣି ସଂପୂର୍ଣ୍ଣ କାର୍ଯ୍ୟକ୍ଷମ କରାଇବା ପାଇଁ ସୋଲଡା ଗାଁ ସମେତ ସତ୍ୟବାଦୀପୁର, ନାଥଗାଁ, ତେଲିପୁର ଓ ଖୁରିଙ୍ଗାର ଗ୍ରାମବାସୀ ଦାବି କରି ଧାରଣାରେ ବସିଛନ୍ତି ।