ଅନୁଗୋଳରେ ଶେଷ ପ୍ରଚାର, ଭୋଟରଙ୍କ ମନ ଜିଣିବାକୁ ପ୍ରାର୍ଥୀଙ୍କ ଜୋରସୋର ପ୍ରଚେଷ୍ଟା

ଆସନ୍ତା 22ରେ ସରୁଛି ଅନୁଗୋଳରେ ମତଦାନ । ଆଜି(ରବିବାର) ପ୍ରଚାରର ଶେଷଦିନ ଥିବାରୁ ଜୋରସୋର ପ୍ରଚାର ଚଳାଇଛନ୍ତି ପ୍ରାର୍ଥୀ ଓ ଦଳୀୟ କର୍ମୀ । ଅଧିକ ପଢନ୍ତୁ

ଅନୁଗୋଳ: ଆସନ୍ତା 22ରେ ଚତୁର୍ଥ ପର୍ଯ୍ୟାୟ ମତଦାନ ପାଇଁ ଆଜି(ରବିବାର) ଶେଷ ହେଉଛି ପ୍ରଚାର-ପ୍ରସାର । ଭୋଟରଙ୍କୁ ନିଜ ଆଡକୁ ଆକୃଷ୍ଟ କରିବା ପାଇଁ ଶେଷ ଉଦ୍ୟମରେ ଲାଗି ପଡିଛନ୍ତି ବିଭିନ୍ନ ଦଳର ପ୍ରାର୍ଥୀ ଏବଂ ଦଳୀୟ କର୍ମୀ । ଏହି ପରିପ୍ରେକ୍ଷୀରେ ଅନୁଗୋଳରେ ମଧ୍ୟ ଚାଲିଛି ଜୋରସୋର ପ୍ରଚାର ।

ତେବେ ଆସନ୍ତା ୨୨ରେ ଅନୁଗୋଳରେ ହେବ ଶେଷ ପର୍ଯ୍ୟାୟ ନିର୍ବାଚନ । ପ୍ରଚାର ପାଇଁ ଆଜି ହେଉଛି ଶେଷ ଦିନ । ଶେଷ ଦିନରେ ପ୍ରଚାରକୁ ବେଶ୍ ସରଗରମ କରିଛନ୍ତି ଉଭୟ ବିଜେପି ଓ ବିଜେଡି । କିଶୋର ନଗର ବ୍ଳକର ଅଙ୍ଗପଡା ପଞ୍ଚାୟତରେ ପ୍ରଚାର କରିଛନ୍ତି ବିଜେଡିର ହେଭିୱେଟ ନଳିନୀ ପ୍ରଧାନ ।

ସେହିପରି ତାଳଚେର ବ୍ଲକରେ ମଧ୍ୟ ପ୍ରଚାରକୁ ଜୋର କରିଛନ୍ତି ବିଧାୟକ ବ୍ରଜ କିଶୋର ପ୍ରଧାନ । ନିଜ ଦଳୀର ପ୍ରାର୍ଥୀଙ୍କ ପାଇଁ ଭୋଟ ନିବେଦନ କରିଛନ୍ତି ଏହି 2 ହେଭି ୱେଟ । ସେହିପରି ତାଳଚେର ଓ କିଶୋର ନଗର ବ୍ଳକରେ ବିଜେପି ମଧ୍ୟ ପ୍ରଚାରକୁ ଜୋର କରିଛି । ଶେଷ ଦିନ ପ୍ରଚାର ଥିବାରୁ କୌଣସି ପ୍ରକାର ଭୋଟରଙ୍କ ମନ ଜିଣିବାକୁ ପ୍ରଚେଷ୍ଟା ଚଳାଇଛନ୍ତି ଦଳୀୟ କର୍ମୀ ଏବଂ ନେତା ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ