ପୁଣି ଭାଗିରଥୀଙ୍କୁ ଟିକେଟ ଦେଲା ବିଜେପି

ଜିଲ୍ଲାର ଆଠମଲ୍ଲିକ ବିଧାନସଭା ନିର୍ବାଚନ ମଣ୍ଡଳୀ ପାଇଁ ପ୍ରାର୍ଥୀ ଘୋଷଣା କରିଛି ବିଜେପି । ଦୁଇ ଦୁଇ ଥର ନିର୍ବାଚନ ହାରିଥିବା ଜିଲ୍ଲା ସଭାପତି ଭାଗିରଥୀ ପ୍ରଧାନଙ୍କୁ ଦଳ ଏଥର ପୁଣି ଟିକେଟ ଦେଇଛି ।

ଅନୁଗୋଳ: ଜିଲ୍ଲାର ଆଠମଲ୍ଲିକ ବିଧାନସଭା ନିର୍ବାଚନ ମଣ୍ଡଳୀ ପାଇଁ ପ୍ରାର୍ଥୀ ଘୋଷଣା କରିଛି ବିଜେପି । ଦୁଇ ଦୁଇ ଥର ନିର୍ବାଚନ ହାରିଥିବା ଜିଲ୍ଲା ସଭାପତି ଭାଗିରଥୀ ପ୍ରଧାନଙ୍କୁ ଦଳ ଏଥର ପୁଣି ଟିକେଟ ଦେଇଛି ।

ତେବେ ପୂର୍ବରୁ ଜିଲ୍ଲାର ଅନ୍ୟ 4 ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା ସାରିଥିବାବେଳେ ଆଠମଲ୍ଲିକ ପାଇଁ ନାମ ଘୋଷଣା ହୋଇ ନଥିଲା । ତାକୁ ନେଇ ନିର୍ବାଚନମଣ୍ଡଳୀରେ ଭାଗୀରଥୀଙ୍କୁ ଟିକେଟ ମିଳିବ କି ନାହିଁ, ସେ ନେଇ ଲାଗି ରହିଥିଲା ଚର୍ଚ୍ଚା ।

ତେବେ ସବୁ ଆଶା ଓ ଆଶଙ୍କାର ଅନ୍ତ ଘଟାଇ ବିଜେପି ପୁଣି ଥରେ ଭାଗିରଥୀଙ୍କ ଉପରେ ଆସ୍ଥା ପ୍ରକଟ କରିଛି । ଯାହାକୁ ନେଇ କୃତଜ୍ଞତା ଜଣାଇଛନ୍ତି ଭାଗୀରଥି। ଦଳର ଆସ୍ଥାକୁ ସେ ଏଥର କାମରେ ଲଗାଇବେ ଓ ନିଶ୍ଚିତ ବିଜୟୀ ହେବେ ବୋଲି ଦୃଢୋକ୍ତି ପ୍ରକାଶ କରିଛନ୍ତି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ