ପୋଟଳ ବାରିକୁ ଯାଉଥିବା ସମୟରେ ଭାଲୁ ଆକ୍ରମଣ, ବାପ-ପୁଅ ଗୁରୁତର

ଜିଲ୍ଲାରେ ଥମୁନି ବନ୍ୟଜନ୍ତୁ ଆକ୍ରମଣ । ଭାଲୁ ଆକ୍ରମଣରେ ବାପ ପୁଅ ଗୁରୁତର ।

ଅନୁଗୋଳ: ଭାଲୁ ଆକ୍ରମଣରେ ଗୁରୁତର ହେଲେ ବାପା ପୁଅ । ଜିଲ୍ଲା ଛେଣ୍ତିପଦା ବନାଞ୍ଚଳର ବ୍ରାହ୍ମଣବିଲ ଗାଁରେ ଏହି ଅଭାବନୀୟ ଘଟଣା ଘଟିଛି ।

ସୂଚନାମୁତାବକ, ଆଜି ସକାଳେ ବ୍ରାହ୍ମଣବିଲ ଗାଁର ପ୍ରହଲ୍ଲାଦ ଶଙ୍ଖରୀ ଓ ତାଙ୍କ ପୁଅ ମିଟୁ ଶଙ୍ଖରୀ ନିଜ ଜଙ୍ଗଲ ପାଖ ପୋଟଳ ବାରିକୁ ଯାଉଥିବା ସମୟରେ ୩ଟି ଭାଲୁ ସେମାନଙ୍କୁ ଆକ୍ରମଣ କରିଥିଲେ ।

ସେମାନଙ୍କ ଚିତ୍କାର ଶୁଣି ସ୍ଥାନୀୟ ବାସିନ୍ଦା ବାପା ପୁଅକୁ ତାଙ୍କୁ ଉଦ୍ଧାର କରିଥିଲେ । ତୁରନ୍ତ ସେମାନଙ୍କୁ କୋଶଳା ମେଡିକାଲରେ ଭର୍ତ୍ତି କରାଯାଇଛି । ପ୍ରହଲ୍ଲାଦଙ୍କର ଗୋଡରେ ଆଘାତ ଲାଗିଥିବାବେଳେ ମିଟୁର ହାତ ଓ ପିଠିରେ ଗଭୀର ଆଘାତ ଲାଗିଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ