ଅନୁଗୋଳ: କେନ୍ଦ୍ର ସରକାରଙ୍କ 5 ଟ୍ରିଲିୟନ ଡଲାର ଅର୍ଥନୀତି ଯୋଜନାକୁ ସାକାର କରିବା ପାଇଁ ଏବେ ତତ୍ପର ଭାରତୀୟ ଷ୍ଟେଟବ୍ୟାଙ୍କ । ଏନେଇ ଅନୁଗୋଳ ଓ ଢେଙ୍କାନାଳ ଜିଲ୍ଲାରେ ଥିବା ବ୍ୟାଙ୍କର ସବୁ ଶାଖାର ପ୍ରବନ୍ଧକ ଏବଂ ବରିଷ୍ଠ ଅଧିକାରୀମାନଙ୍କ ଆୟୋଜିତ ହୋଇଯାଇଛି କର୍ମଶାଳା ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଆୟୋଜିତ କର୍ମଶାଳାରେ ବିଭିନ୍ନ କ୍ଷେତ୍ରରେ ଋଣ ପ୍ରଦାନ ପାଇଁ ବ୍ୟାଙ୍କ ଗୁଡିକ ଆଗେଇ ଆସିବା ଏବଂ ଏଥିପାଇଁ କେଉଁ ସବୁ ସମସ୍ୟା ରହିଛି ସେ ସମ୍ପର୍କରେ ତର୍ଜମା କରି ସରକାରଙ୍କୁ ରିପୋର୍ଟ ଦେବା ଉପରେ ଅଲୋଚନା କରାଯାଇଥିଲା । ବ୍ୟାଙ୍କର ପ୍ରଦର୍ଶନ ଓ ରାଷ୍ଟ୍ରୀୟ ପ୍ରାଥମିକତା କିପରି ସଂଯୋଗ ହୋଇପାରିବ ଏବଂ ଦେଶରେ ଆର୍ଥିକ ବିକାଶ ପାଇଁ ଋଣ ପ୍ରଦାନ, ମହିଳା ସଶକ୍ତିକରଣ, ଭିତ୍ତିଭୂମି ଶିଳ୍ପର ବିକାଶ କରି 5 ଟ୍ରିଲିୟନ ଡଲାର ଅର୍ଥନୀତିକୁ ସାକାର କରାଯାଇପାରିବ ସେଥିପାଇଁ ବିଭିନ୍ନ ରଣନୀତି ମଧ୍ୟ ପ୍ରସ୍ତୁତ କରାଯାଇଛି ।