ଅନୁଗୋଳ :ବିଧାୟକ ହେବତ ଏମିତି, ଲୋକଙ୍କ ସମସ୍ୟା ବୁଝିବା ପାଇଁ ଜିଲ୍ଲାର ଅପହଞ୍ଚ ଗାଁରେ ଚାଲିଚାଲି ପହଞ୍ଚିଲେ ବିଧାୟକ । ଦୀର୍ଘ ୭ କିଲୋମିଟର ପାଦଚଲା ରାସ୍ତା ଅତିକ୍ରମ କରିବା ପରେ ଦୁର୍ଗମ ଅଞ୍ଚଳ ବେତର ଗାଁରେ ପହଞ୍ଚି ଲୋକଙ୍କ ସମସ୍ୟା ବୁଝିଲେ ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାଏ । ଘଞ୍ଚ ଜଙ୍ଗଲ ମଧ୍ୟରେ ଅବସ୍ଥିତ ଏହି ଗ୍ରାମରେ ପ୍ରାୟ ୫୦ଟି ପରିବାରର ୨୦୦ରୁ ଅଧିକ ଲୋକ ବସବାସ କରନ୍ତି । ହେଲେ ଦୀର୍ଘ ବର୍ଷ ହେବ ମୌଳିକ ସୁବିଧାରୁ ବଞ୍ଚିତ ଏହି ୫୦ଟି ପରିବାର ।
ଚାଲିଚାଲି ଅପହଞ୍ଚ ଇଲାକାରେ ପହଞ୍ଚିଲେ ଆଠମଲ୍ଲିକ ବିଧାୟକ, ଶୁଣିଲେ ଲୋକଙ୍କ ଦୁଃଖ
ଗାଁକୁ ଯାତାୟତ ପାଇଁ ରାସ୍ତା ନଥିବାବେଳେ ପାନୀୟ ଜଳର ମଧ୍ୟ ସୁବିଧା ନାହିଁ । ଫଳରେ ସରକାରଙ୍କ ତରଫରୁ ଦିଆଯାଉଥିବା ଭତ୍ତା, କଣ୍ଟ୍ରୋଲ ସାମଗ୍ରୀ ଓ ଅନ୍ୟାନ୍ୟ ଅତ୍ୟାବଶ୍ୟକ ସାମଗ୍ରୀ ଆଣିବା ପାଇଁ ଯାତାୟତ କରିପାରୁନାହାନ୍ତି ଗ୍ରାମବାସୀ । ଏହି ସବୁ ମୌଳିକ ସମସ୍ୟାର ସମାଧାନ ପାଇଁ ବେତର ଗାଁରେ ପହଞ୍ଚିବା ପରେ ଲୋକଙ୍କ ସମସ୍ୟା ବୁଝିଛନ୍ତି ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାଏ ।