ଅନୁଗୋଳ: ମଙ୍ଗଳବାର ଅନୁଗୋଳରେ ପୋୖର ନିର୍ବାଚନ ପାଇଁ ପ୍ରାର୍ଥୀ ମାନଙ୍କୁ ନିର୍ବାଚନ ଆଚରଣବିଧି ପାଠ ପଢ଼ାଇଲା ପ୍ରଶାସନ । ଜିଲ୍ଲାର ସମସ୍ତ ପୌରାଞ୍ଚଳର ପ୍ରାର୍ଥୀ ଏବଂ ପ୍ରଶାସନ ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା । ଏହି ବୈଠକରେ ବିଶେଷ କରି ପ୍ରାର୍ଥୀ ମାନଙ୍କୁ ନିର୍ବାଚନ ଆଚରଣବିଧି ସମ୍ପର୍କରେ ଆଲୋଚନା ହୋଇଥିଲା ।
ପୌର ଫାଇଟ: ଅନୁଗୋଳରେ ପାର୍ଥୀଙ୍କୁ ଆଚରଣବିଧି ପାଠ ପଢ଼ାଇଲା ପ୍ରଶାସନ
ପ୍ରାର୍ଥୀମାନେ କିଭଳି ନିର୍ବାଚନ ନିୟମ ଅନୁସାରେ ପ୍ରଚାର କରିବେ, କେଉଁ କେଉଁ ସ୍ଥାନରେ ପୋଷ୍ଟର ବ୍ୟାନର ଲଗାଇବେ ଏବଂ ଭୋଟର ମାନଙ୍କୁ କୌଣସି ପ୍ରକାର ବାଧ୍ୟ କରି ପାରିବେ ନାହିଁ ସେନେଇ ସଚେତନ କରାଯାଇଥିଲା । ଏହାଛଡ଼ା ଜଣେ କାଉନସିଲର ପ୍ରାର୍ଥୀଙ୍କ ନିର୍ବାଚନ ଖର୍ଚ୍ଚ ୫୦ହଜାର ଟଙ୍କା ଖର୍ଚ୍ଚ ଧାର୍ଯ୍ୟ କରାଯାଇଛି । ସେହିଭଳି ଚେୟାରମ୍ୟାନ ପ୍ରାର୍ଥୀଙ୍କ ଖର୍ଚ୍ଚ ଦୁଇ ଲକ୍ଷ ଟଙ୍କା ନିର୍ଦ୍ଧାରଣ କରାଯାଇଥିବା ନେଇ ପ୍ରାର୍ଥୀଙ୍କୁ ଅବଗତ କରା ଯାଇଥିଲା ।