ସଙ୍କଟରେ ଗଜରାଜ, ସାତକୋଶିଆରେ ଆଉ ଏକ ହାତୀର ମୃତ୍ୟୁ

ସାତକୋଶିଆ ଅଭୟାରଣ୍ୟରେ ଥମୁନି ହାତୀ ମୃତ୍ୟୁ । ଆଜି ପୁଣି ଆଉ ଏକ ମାଈ ହାତୀର ମୃତ୍ୟୁ ହୋଇଛି । ଅଧିକ ପଢନ୍ତୁ

ଅନୁଗୋଳ: ସାତକୋଶିଆ ଅଭୟାରଣ୍ୟରେ ଥମୁନି ହାତୀ ମୃତ୍ୟୁ । ଆଜି ପୁଣି ଆଉ ଏକ ମାଈ ହାତୀର ମୃତ୍ୟୁ ହୋଇଛି । ଅଭୟାରଣ୍ୟର ପମ୍ପାସର ରେଞ୍ଜ ଅଧିନସ୍ଥ ନୂଆପଡା ଗାଁ ନିକଟରେ ହାତୀଟି ମୃତଦେହ ପଡିଥିବା ଦେଖିବାକୁ ମିଳିଛି । ଗତ କିଛି ଦିନ ହେବ ହାତୀଟି ଗାଁ ପାଖାପାଖି ବୁଲୁଥିଲା। ଆଜି ହଠାତ ହାତୀର ମୃତ୍ୟୁ ହୋଇଛି ।

ଗତ ତିନିଦିନ ତଳେ ମଧ୍ୟ ଅଭୟାରଣ୍ୟରେ ଚିକିତ୍ସାଧୀନ ଅବସ୍ଥାରେ ଏକ ଛୁଆ ହାତୀର ମୃତ୍ୟୁ ହୋଇଥିଲା । ତେବେ ଲଗାତାର ହାତୀ ମୃତ୍ୟୁ ଘଟଣା ସାମ୍ନାକୁ ଆସୁଥିବା ବେଳେ ଅଭୟାରଣ୍ୟରେ ହାତୀଙ୍କ ପ୍ରତି ବିପଦ ରହିଥିବା କୁହାଯାଉଛି । ତେବେ କେଉଁ କାରଣରୁ ହାତୀଟିର ମୃତ୍ୟୁ ଘଟିଲା ସେନେଇ ବନଖଣ୍ଡ ଅଧିକାରୀ ଓ ଟିମ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।