ଅନୁଗୋଳ:ଦୀର୍ଘ ଦୁଇ ବର୍ଷର ବ୍ୟବଧାନ ପରେ ଆରମ୍ଭ ହୋଇଛି ଜିଲ୍ଲା ମହୋତ୍ସବ । ଶୁକ୍ରବାର ଠାରୁ ଅନୁଗୋଳ ଜିଲ୍ଲା ମହୋତ୍ସବ ଆରମ୍ଭ ହୋଇଥିବା ବେଳେ ଆସନ୍ତା ୩ ଦିନ ଧରି ଚାଲିବ। ଶୁକ୍ରବାର ସଂନ୍ଧ୍ୟାରେ ଉପବାଚସ୍ପତି ରଜନୀ କାନ୍ତ ସିଂ ମୁଖ୍ୟ ଅତିଥି ଭାବେ ଯୋଗ ଦେଇ ଏହାକୁ ଉଦଘାଟନ କରିଥିଲେ।
ହଟିଲା କଟକଣା: ଜିଲ୍ଲା ମହୋତ୍ସବରେ ଝୁମିଲେ ଅନୁଗୋଳବାସୀ
ଅନ୍ୟ ମାନଙ୍କ ମଧ୍ୟରେ ତାଳଚେର ବିଧାୟକ ବ୍ରଜ କିଶୋର ପ୍ରଧାନ, ଛେଣ୍ଡିପଦା ବିଧାୟକ ସୁଶାନ୍ତ ବେହେରା, ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ, ଏସପି ଜଗମୋହନ ମୀନା, ନାଲକୋ, ଏନଟିପିସି ଏବଂ ଅନ୍ୟାନ୍ୟ ରାଷ୍ଟ୍ରାୟତ ଉଦ୍ୟୋଗ ଗୁଡିକର ବରିଷ୍ଠ ଅଧିକାରୀମାନେ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।
ସନ୍ଧ୍ୟାରେ ବର୍ଷା ଯୋଗୁଁ ବହୁ ବିଳମ୍ବରେ କାର୍ଯ୍ୟକ୍ରମ ଆରମ୍ଭ ହୋଇଥିଲା। ତଥାପି ହଜାର ହଜାର ସଂଖ୍ୟାରେ ଦର୍ଶକ ମନ ଭରି ଉପଭୋଗ କରିଥିଲେ। ପ୍ରଥମ ଦିନରେ ଓଡିଶୀ ନୃତ୍ୟରୁ ଆରମ୍ଭ ହୋଇଥିଲା ରଙ୍ଗାରଙ୍ଗ କାର୍ଯ୍ୟକ୍ରମ। ଓଡ଼ିଶାର ସୁନାମଧନ୍ୟ ଗାୟିକା ନାଭିଆଙ୍କ ସଙ୍ଗୀତ ଦର୍ଶକଙ୍କୁ ଆକୃଷ୍ଟ କରିଥିଲା।