ଅନୁଗୋଳ:କୋଭିଡ ମହାମାରୀ ସମୟରେ ନିଜ ଜୀବନକୁ ଖାତିର ନକରି ଜନସାଧାରଣଙ୍କ ସେବା କରିଛନ୍ତିଡ୍ରାଇଭର। ସବୁ କ୍ଷେତ୍ରରେ ଜରୁରୀକାଳୀନ ପରିବହନ ସେବା ଯୋଗାଇଛନ୍ତି । ତଥାପି ସେମାନଙ୍କ ଦୁଃଖ ପ୍ରଶାସନ ବୁଝିନଥିବା ଅଭିଯୋଗ କରି ଏହାର ପ୍ରତିବାଦ କରିଛନ୍ତି ଏମାନେ । ଆଜି ୧୦ ଦଫା ଦାବି ନେଇ ଓଡ଼ିଶା ଡ୍ରାଇଭର ମହାସଂଘର ଅନୁଗୋଳ ଜିଲ୍ଲା ଶାଖା ଜିଲାପାଳଙ୍କ କାର୍ଯ୍ୟାଳୟ ଘେରାଉ କରିଛି ।
ଓଡିଶା ଡ୍ରାଇଭର ମହାସଂଘ ଡାକରାରେ ଅନୁଗୋଳ ଜିଲ୍ଲା ଡ୍ରାଇଭରମାନେ ଏକ ପ୍ରତିବାଦ ଶୋଭାଯାତ୍ରାରେ ଆସି ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଥିଲେ। ଡ୍ରାଇଭରମାନଙ୍କ ଅଭିଯୋଗ ଅନୁସାରେ ,ମହାମାରୀ ସମୟରେ ଯାତ୍ରୀ ଓ ମାଲ ପରିବହନ ଜାରି ରଖିଥିବା ଡ୍ରାଇଭରଙ୍କୁ ସରକାର ସମ୍ପୂର୍ଣ୍ଣ ଭୁଲିଯାଇଛନ୍ତି । କୌଣସି ସରକାରୀ ସହାୟତା ସେମାନଙ୍କୁ ପ୍ରଦାନ କରାଯାଇନାହିଁ । ତେଣୁ ନିଜର ପରିବାରର ସୁରକ୍ଷା ଦାବି କରି ଆନ୍ଦୋଳନ କରିବା ସହ ଜିଲ୍ଲାପାଳଙ୍କୁ ୧୦ ଦଫା ସମ୍ବଳିତ ଦାବିପତ୍ର ଦେଇଥିବା କହିଛି ସଂଘ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
