ଅନୁଗୋଳ: ଜିଲ୍ଲା ତହସିଲ ଅଫିସରେ ଜିଲ୍ଲାପାଳ ମନୋଜ ମହାନ୍ତିଙ୍କ ଅଚାନକ ଗସ୍ତ । ତେବେ ଏହି ତଦାରଖ ବେଳେ ବିଭିନ୍ନ କାମରେ ତହସିଲ ଅଫିସର କର୍ମଚାରୀମାନେ ଅବହେଳା ପ୍ରଦର୍ଶନ କରୁଥିବା ଦେଖିବାକୁ ପାଇଥିଲେ । ଫଳରେ ତହସିଲଦାର ଏବଂ ଅନ୍ୟ କର୍ମଚାରୀଙ୍କୁ ତାଗିଦ କରିଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସୂଚନାନୁଯାୟୀ, ପୂର୍ବରୁ ବହୁ ବାର ତହସିଲଦାର ଓ ଅଫିସର ଅନ୍ୟାନ୍ୟ କର୍ମଚାରୀ ଠିକ ଭାବରେ ଲୋକଙ୍କୁ ସେବା ଦେଉ ନଥିବା ଜିଲ୍ଲାପାଳଙ୍କ ନିକଟରେ ଅଭିଯୋଗ ହୋଇଆସୁଥିଲା । ଏହାସହ ଅଫିସକୁ କୌଣସି କାମରେ ସାଧାରଣ ଲୋକ ଟିଏ ଗଲେ ଲାଞ୍ଚ ମାଗିବା ସହ ହଇରାଣ ମଧ୍ୟ କରାଯାଉଥିଲା ।