ଅନୁଗୋଳ: ୧୪ ଦଫା ଦାବି ନେଇ ଅଲ୍ ଓଡିଶା ଅଙ୍ଗନ ବାଡି ସଙ୍ଘ ଅନୁଗୋଳ ଜିଲ୍ଲା ଶାଖା ପକ୍ଷରୁ ବିକ୍ଷୋଭ ପ୍ରଦର୍ଶନ । ସଙ୍ଘର ସମ୍ପାଦିକା ସବିତା ବେହେରାଙ୍କ ନେତୃତ୍ୱରେ ପ୍ରାୟ ୧୫ ଶହରୁ ଅଧିକ ଅଙ୍ଗନବାଡି କର୍ମୀ ଏହି ବିକ୍ଷୋଭ ପ୍ରଦର୍ଶନ କରିଛନ୍ତି । ୧୫ଶହରୁ ଅଧିକ କର୍ମୀ ଏବଂ ପାଚିକା ସହର ପରିକ୍ରମା କରି ଶୋଭାଯାତ୍ରା କରିଛନ୍ତି । ଏହାପରେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚି ସେଠାରେ ପ୍ରତିବାଦ ସଭା କରିଥିଲେ । ବିଶେଷ କରି ସମସ୍ତ ଅଙ୍ଗନ ବାଡି କର୍ମୀ ଓ ପାଚିକାମାନଙ୍କୁ ସରକାରୀ ମାନ୍ୟତା ଦେବା, ସେମାନଙ୍କ ପାଇଁ ପେନସନ ବ୍ୟବସ୍ଥା କରିବା, ଗ୍ରୀଷ୍ମ କାଳୀନ ଛୁଟି ପ୍ରଦାନ କରିବା ଆଦି ୧୪ ଦଫା ଦାବି ଉପସ୍ଥାପନ କରିଥିଲେ । ଏହାପରେ ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ସ୍ମାରକ ପତ୍ର ପ୍ରଦାନ କରିଛନ୍ତି ।
୧୪ ଦଫା ଦାବି ନେଇ ଅଲ୍ ଓଡିଶା ଅଙ୍ଗନ ବାଡି ସଙ୍ଘର ବିକ୍ଷୋଭ ପ୍ରଦର୍ଶନ