Municipal Polls: ପୌରାଞ୍ଚଳରେ ତିନି ଦଳର ପ୍ରଚାର ଜୋରଦାର

ପୌର ନିର୍ବାଚନକୁ ନେଇ ରାଜନୀତି ବେଶ ସରଗରମ ହେବାକୁ ଲାଗିଲାଣି । ଅନୁଗୋଳ ପୋୖରପାଳିକାର 19 ନମ୍ବର ୱାର୍ଡରେ ଜୋରଦାର ଚାଲିଛି ପ୍ରଚାର ।

ଅନୁଗୋଳ:ପୌର ନିର୍ବାଚନକୁ ନେଇ ରାଜନୀତି ବେଶ ସରଗରମ ହେବାରେ ଲାଗିଲାଣି । ବିଭିନ୍ନ ରାଜନୈତିକ ଦଳ ତାଙ୍କର ଏଜେଣ୍ଡା ନେଇ ଲୋକଙ୍କ ପାଖକୁ ଯାଉଛନ୍ତି । ପୌର ନିର୍ବାଚନ ଯେତିକି ପାଖଉଛି ଡୋର ଟୁ ଡୋର କ୍ୟାମ୍ପେନ ସେତିକି ଜୋରଦାର ହେଉଛି । ଘରକୁ ଘର ଯାଇ ଭୋଟରଙ୍କୁ ମନେଇବା ପାଇଁ ପ୍ରାର୍ଥୀ ପ୍ରାର୍ଥିନୀ ଏବେ ନିର୍ବାଚନୀ ମଇଦାନରେ ।

ନିଜ ନିଜ ଦଳ ହେବିୱେଟଙ୍କୁ ଧରି ଘରକୁ ଘର ଆଉ ୱାର୍ଡରୁ ୱାର୍ଡ ବୁଲି ପ୍ରଚାର କରୁଛନ୍ତି। ଅନୁଗୋଳ ପୋୖର ପାଳିକାର 19 ନମ୍ବର ୱାର୍ଡରେ ନିଜ ପ୍ରଚାରକୁ ଜୋର କରିଛନ୍ତି ବିଜେଡି କାଉନସିଲର ପ୍ରାର୍ଥୀ ବଳରାମ ଜେନା । ନିଜ ସମର୍ଥକଙ୍କ ମାନଙ୍କ ସହ ଘରକୁ ଘର ବୁଲି ପ୍ରଚାର କରୁଛନ୍ତି । ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନ ମୂଳକ କାର୍ଯ୍ୟକୁ କେନ୍ଦ୍ରକରି ଭୋଟ ଭିକ୍ଷା କରୁଛନ୍ତି ।

ସେହିଭଳି ୧୬ ନମ୍ବର ୱାର୍ଡରେ ପ୍ରଚାରକୁ ଜୋର କରିଛନ୍ତି କଂଗ୍ରେସ ନଗରପାଳ ପ୍ରାର୍ଥୀ ବଲବିର ସିଂ ସହ ୱାର୍ଡର କାଉନସିଲର ପ୍ରାର୍ଥୀ ଲୁଲୁ ପାଣିଗ୍ରାହୀ। ଶୋଭାଯାତ୍ରାର ପରିକ୍ରମା କରିଛନ୍ତି ପୁରା ୱାର୍ଡ। ଅନ୍ୟପଟେ ବିଜେପି ମଧ୍ୟ ନିଜ ଷ୍ଟାଇଲରେ ପୌରା ଅଞ୍ଚଳରେ ପ୍ରଚାରକୁ ସରଗରମ କରିଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ