ଅନୁଗୋଳ: ଗରିବ ଖଟିଖିଆଙ୍କ ପାଇଁ ଏବେ ଲକ୍ଡାଉନ୍ର ଦୁଃଖ । ସବୁଦିନ କାମ ଧନ୍ଦା କରି ବଞ୍ଚୁଥିବା ଲୋକଙ୍କ ହାତରେ କାମ ନାହିଁ । କଣ କରିବେ ଏବେ ସେହି ଚିନ୍ତାରେ ସେମାନେ । ସରକାର ସେମାନଙ୍କୁ ରନ୍ଧା ଖାଦ୍ୟ ପଞ୍ଚାୟତ ଜରିଆରେ ଯୋଗାଇ ଦେବାକୁ କହିଥିବାବେଳେ ଏବେ ପ୍ରଶାସନ ସେମାନଙ୍କୁ ଖାଦ୍ୟ ଦେବାକୁ ଅମଙ୍ଗ ହେଉଛି । ଏଭଳି ଏକ ଘଟଣା ଅନୁଗୋଳରେ ସାମ୍ନାକୁ ଆସିଛି ।
ରନ୍ଧା ଖାଦ୍ୟ ଦେବାକୁ ଅମଙ୍ଗ ପ୍ରଶାସନ : କନ୍ଦା ଖାଇ ବଞ୍ଚୁଛନ୍ତି ଆଦିବାସୀ ପରିବାର !
ଜିଲ୍ଲାରେ କୋରୋନା ମୁକାବିଲା ଓ ଗରିବ ଦିନ ମଜୁରିଆଙ୍କୁ ରନ୍ଧା ଖାଦ୍ୟ ଦେବା ସତେ ଯେମିତି ପ୍ରହସନ ପାଲଟିଛି । ଗରିବ ଆଦିବାସୀ ପରିବାର ଯିଏ ଦିନ ମଜୁରୀ ଓ ଜଙ୍ଗଲ ଜାତ ଦ୍ରବ୍ୟ ସଂଗ୍ରହ କଲେ ତାକୁ ବିକି ପେଟ ପୋଷନ୍ତି । ଏବେ ତାଲାବନ୍ଦ ଯୋଗୁଁ ସେମାନେ ଦୁର୍ଦ୍ଦଶାରେ ସମୟ ବିତାଉଛନ୍ତି । ଖାଦ୍ୟ ନଥିବାରୁ ଜଙ୍ଗଲରୁ କନ୍ଦା ସଂଗ୍ରହ କରି ତାକୁ ଖାଉଥିବାବେଳେ ତାଙ୍କୁ ଏବେ ରନ୍ଧା ଖାଦ୍ୟ ଯୋଗାଇବାକୁ ଅମଙ୍ଗ ହୋଇଛି ପ୍ରଶାସନ । ଏଭଳି ଚିତ୍ର ସାମ୍ନାକୁ ଆସିଛି ଜିଲ୍ଲାର ଆନ୍ତଲିଆ ପଞ୍ଚାୟତ ତବଡା ଗାଁରୁ ।