ଅନୁଗୋଳ: ମଦ୍ୟପ ସ୍ବାମୀକୁ ସୁଧାରିବାକୁ ଯାଇ ଥାନାରେ ଦେଇଥିବା ମାମଲା ଜଣେ ସ୍ତ୍ରୀ ପାଇଁ ମହଙ୍ଗା ପଡ଼ିଛି । ସ୍ତ୍ରୀର ଏତଲା ପାଇ ସ୍ବାମୀ ଥାନାକୁ ଡକାଇ ମାମଲା ସୁଧାରିବା ବଦଳରେ ମାଡ଼ ମାରି ମଦ୍ୟପ ସ୍ବାମୀକୁ ଜୀବନରୁ ମାରିଦେଇଥିବା ନେଇ ଅନୁଗୋଳରେ ଅଭିଯୋଗ ହୋଇଛି । ମୃତକ ଜଣକ ହେଉଛନ୍ତି କଣିହାଁ ଥାନା ବଡ଼ଗୁଣ୍ଡୁରୀ ଗାଁର ଦୀପକ ବାରିକ ।
ଭିଡିଓ ସୌଜନ୍ୟ: ସମ୍ବାଦଦାତା ଅନୁଗୋଳ
ଦୀପକ ଶୁକ୍ରବାର ମଦ ପିଇ ତାର ସ୍ତ୍ରୀକୁ ମାଡ଼ ପିଟାପିଟି କରୁଥିଲା । ଏନେଇ ଦୀପକର ସ୍ତ୍ରୀ ଥାନାରେ ଅଭିଯୋଗ କରିବା ପରେ ପୋଲିସ ଦୀପକକୁ ଥାନାକୁ ଆଣି ମାଡ ମାରିଥିଲା । ସେଠାରେ ଦୀପକ ବେହୋସ ହୋଇଯିବାରୁ ପୋଲିସ ତାକୁ ନିକଟସ୍ଥ ଡାକ୍ତରଖାନା ଓ ପରେ ଜିଲା ମୁଖ୍ୟ ଚିକିତ୍ସାଳୟକୁ ପଠାଇ ଥିଲା । ପରେ ସେଠାରେ ଦୀପକର ମୃତ୍ୟୁ ହୋଇଛି ।