ଅନୁଗୋଳ: ଡାକ୍ତରଙ୍କୁ ମିଳୁନି କୋଭିଡ ଯୋଦ୍ଧାର ମାନ୍ୟତା । ସ୍ବାସ୍ଥ୍ୟ ବିଭାଗର ସବୁ କାମ କରି ଅବହେଳିତ ଆୟୁଷ ଡାକ୍ତର। କୋଭିଡ ଭଳି ମହାମାରୀ ସ୍ଥିତିରେ ଲୋକଙ୍କୁ ସମସ୍ତ ପ୍ରକାର ସ୍ବାସ୍ଥ୍ୟ ସେବା ଯୋଗାଇ ଥିଲେ ବି ତାଙ୍କୁ ଅଣଦେଖା କରାଯାଇଛି । ଏଭଳି ଅଭିଯୋଗ ସହ ଆଠଟି ଦାବି କରିଛନ୍ତି ଆୟୁଷ ଡାକ୍ତରମାନେ।
ଡାକ୍ତରଙ୍କୁ ଅଣଦେଖା ନେଇ ଜିଲ୍ଲାପାଳଙ୍କ ନିକଟରେ କ୍ଷୋଭ ପ୍ରକାଶ!
ଜିଲ୍ଲାରେ କାର୍ଯ୍ୟରତ ଆୟୁଷ ଡାକ୍ତରମାନେ ଆଜି ଜିଲ୍ଲାପାଳଙ୍କୁ ଭେଟି ନିଜର ଦାବି ଜଣାଇଛନ୍ତି । ଏମବିବିଏସ ଡାକ୍ତରଙ୍କ ଭଳି ସେମାନେ ସମସ୍ତ ସ୍ବାସ୍ଥ୍ୟ ସେବା ଲୋକଙ୍କୁ ଯୋଗାଇଛନ୍ତି । କୋଭିଡ ସ୍ଥିତି ଜାରି ରହିଥିବାବେଳେ ସ୍ବାବ ସଂଗ୍ରହ ଠାରୁ ଆରମ୍ଭ କରି ଘର ଘର ବୁଲି ଲୋକଙ୍କ ସ୍ବାସ୍ଥ୍ୟ ପରୀକ୍ଷା ଆଦି ସବୁ କାର୍ଯ୍ୟ କରୁଛନ୍ତି । ହେଲେ ସରକାର ସେମାନଙ୍କୁ କୋଭିଡ ଯୋଦ୍ଧାର ମାନ୍ୟତା ଦେଇ ନାହାଁନ୍ତି ଯାହାକୁ ନେଇ କ୍ଷୋଭ ପ୍ରକାଶ କରିଛନ୍ତି ଡାକ୍ତରମାନେ ।