ଅନୁଗୋଳ: ଜିଲ୍ଲାରେ ଥମୁନି ହାତୀ ଆକ୍ରମଣ ଆତଙ୍କ । ପୁଣି ଥରେ ହାତୀ ଆକ୍ରମଣରେ ଜଣେ ମହିଳାଙ୍କ ମୃତ୍ୟୁ ହୋଇଛି । ଘଟଣାଟି ଘଟିଛି ଅନୁଗୋଳ ଜିଲ୍ଲା ହଣ୍ଡପା ବନାଞ୍ଚଳ ପ୍ରତାପପୁର ଗାଁରେ । ମୃତ ମହିଳା ମଞ୍ଜୁଲତା ସାହୁ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସୂଚନାନୁସାରେ, ବଢି ଭୋରରୁ ମଞ୍ଜୁ ପାଖ ଜଙ୍ଗଲକୁ ଶୌଚ ପାଇଁ ଯାଇଥିଲେ । ଏହି ସମୟରେ ସେ ହାତୀ ହାବୁଡରେ ପଡିଯାଇଥିଲେ । ଉକ୍ତ ହାତୀ ତାଙ୍କୁ କଚାଡି ଫୋପାଡି ଥିଲା । ଫଳରେ ଘଟଣାସ୍ଥଳରେ ମଞ୍ଜୁଙ୍କ ମୃତ୍ୟୁ ହୋଇଥିଲା । ତେବେ ହାତୀଟି ମହିଳାଙ୍କୁ ମାରିବା ପରେ ମଧ୍ୟ ଦୀର୍ଘ ସମୟ ଧରି ମୃତଦେହ ପାଖରେ ରହିଥିଲା ।