ଭିଣୋଇ ଘରେ ଯୁବତୀଙ୍କ ଗଳା କାଟିଲା ଦୁର୍ବୃତ୍ତ

ଭିଣୋଇ ଘରେ ଶାଳୀକୁ ଦୁର୍ବୃତ୍ତଙ୍କ ଆକ୍ରମଣ । ଢେଙ୍କାନାଳ ଜିଲ୍ଲା କଙ୍କଡାହାଡ଼ ଥାନା ଭଦଳିଆ ସାହିରେ ବିଳମ୍ବିତ ରାତ୍ରିର ଘଟଣା ।

ଅନୁଗୋଳ: ଭିଣୋଇ ଘରେ ଶାଳିଙ୍କୁ ଆକ୍ରମଣ ଅଭିଯୋଗ । ଢେଙ୍କାନାଳ ଜିଲ୍ଲା କଙ୍କଡାହାଡ଼ ଥାନା ଭଦଳିଆ ସାହିରେ ବିଳମ୍ବିତ ରାତ୍ରିରେ ଏହି ଘଟଣା ଘଟିଛି । ଯୁବତୀ ଜଣକ ମଧ୍ୟରାତ୍ରୀରେ ଶୌଚ ହେବାକୁ ଉଠିଥିବାବେଳେ କେହି ଜଣେ ଦୁର୍ବୃତ୍ତ ତାଙ୍କ ଉପରେ ମରଣାତ୍ମକ ଆକ୍ରମଣ କରିଥିଲା ।

ଦୁର୍ବୃତ୍ତ ଜଣକ ଯୁବତୀଙ୍କ ତଣ୍ଟି କାଟିବାରୁ ତାଙ୍କୁ ଗୁରୁତର ଅବସ୍ଥାରେ କାମାକ୍ଷାନଗର ହସ୍ପିଟାଲ ଓ ପରେ କଟକକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି ।

ଯୁବତୀ ଜଣକ ସୁନ୍ଦରଗଡର ପଙ୍କଜିନୀ ଗୁରୁ ବୋଲି ଜଣାପଡିଛି । ସେ ନିଜ ଭଉଣୀଙ୍କ ଘରକୁ ବୁଲିବାକୁ ଆସିଥିବା ସମୟରେ ଏହି ଘଟଣା ଘଟିଛି । କେହି ଜଣେ ଅଜଣା ଦୁର୍ବୃତ୍ତ ତାଙ୍କୁ ଧାରୁଆ ଅସ୍ତ୍ରରେ ଅତର୍କିତ ଆକ୍ରମଣ କରିଥିଲେ ।

ପରିବାରଲୋକେ ତୁରନ୍ତ ତାଙ୍କୁ ମେଡିକାଲ ଆଣିବା ପରେ କାମାକ୍ଷାନଗର ପୋଲିସକୁ ଏନେଇ ସୂଚନା ଦେଇଥିଲେ । ଘଟଣାକୁ ନେଇ ପୋଲିସ ତଦନ୍ତ ଆରମ୍ଭ କରିଥିବାବେଳେ କିଏ ଓ କାହିଁକି ଏହି କାଣ୍ଡ ଭିଆଇଲା ତାହା ଜଣାପଡିନାହିଁ ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ