ପ୍ରେମ ନେଲା ଜୀବନ ! ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର

ପ୍ରେମ ଯୋଗୁଁ ହତ୍ୟା ଅଭିଯୋଗ । ଅନୁଗୋଳ ଆମ୍ବସରମୁଣ୍ଡା ପଞ୍ଚାୟତ ବନ୍ଦ ସାହିରେ ଜଣେ ଯୁବକଙ୍କ ମୃତଦେହକୁ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି ।

ଅନୁଗୋଳ: ଜିଲ୍ଲା ଆମ୍ବସରମୁଣ୍ଡା ପଞ୍ଚାୟତ ବନ୍ଦ ସାହିରେ ଅଘଟଣ । ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର । ମୃତ ଯୁବକ ଜଣକ ହେଲେ ମାନସ ନାଏକ । ସେପଟେ, ହତ୍ୟା ଅଭିଯୋଗ ଆଣିଲେ ପରିବାର ।

ମାନସ ଶ୍ରମିକ ଭାବେ ବେଙ୍ଗାଲୁରୁରେ କାମ କରୁଥିବାବେଳେ ଗତ କିଛି ଦିନ ହେବ ସେ ଗାଁକୁ ଆସିଥିଲେ । ଗତକାଲି ରାତିରେ ସେ ଘରକୁ ଫେରିନଥିବାବେଳେ ଶନିବାର ତାଙ୍କ ମୃତଦେହକୁ ଗାଁ ନିକଟସ୍ଥ ଏକ ଆମ୍ବ ଗଛରୁ ଉଦ୍ଧାର କରାଯାଇଛି ।

ସୂଚନାଯୋଗ୍ୟ, ମାନସଙ୍କ ସେହି ଗାଁର ଜଣେ ଝିଅଙ୍କ ସହିତ ସମ୍ପର୍କ ରହିଥିଲା । ଏହି ଘଟଣା ବିଷୟରେ ଝିଅ ଘର ଜାଣିବା ପରେ ମାନସଙ୍କୁ ହତ୍ୟା କରିଥାଇପାରନ୍ତି ବୋଲି ପରିବାର ଲୋକେ ଅଭିଯୋଗ କରିଛନ୍ତି । ଅନ୍ୟପଟେ, ଠାକୁରଗଡ ପୋଲିସ ଘଟଣାରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ କରୁଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ