ଅନୁଗୋଳ: ଜିନ୍ଦଲ କାରଖାନା ପାର୍ଶ୍ୱ ନାଳରୁ ମିଳିଛି ଜଣେ ବ୍ୟକ୍ତିଙ୍କ ମୃତଦେହ । ଚାରିଦିନ ହେବ ନିଖୋଜ ଥିବା ବ୍ୟକ୍ତିଙ୍କ ମୃତଦେହ ନାଳ ଭିତରୁ ସନ୍ଦେହ ଜନକ ଭାବେ ମିଳିଥିବାରୁ ଏହା ହତ୍ୟାକାଣ୍ତ ହୋଇପାରେ ବୋଲି ସନ୍ଦେହ କରାଯାଉଛି । ଯାହାକୁ ନେଇ ପୋଲିସ ଆରମ୍ଭ କରିଛି ତନାଘନା ।
4 ଦିନ ହେଲା ନିଖୋଜ ଥିଲେ, ନାଳରୁ ମିଳିଲା ମୃତଦେହ
ସୂଚନା ଅନୁସାରେ, ଅନୁଗୋଳ ଜିଲ୍ଲା ନିଶା ଶିଳ୍ପାଞ୍ଚଳ ଥାନା ଅନ୍ତର୍ଗତ କାଳିଆକଟା ଗାଁର ଡିଲେଶ୍ୱର ପ୍ରଧାନ ନାମକ ଜଣେ ଯୁବକଙ୍କ ଗତ ସୋମବାର ଘରୁ କେଉଁଆଡ଼େ ପଳାଇ ଥିଲେ। ତାଙ୍କ ପରିବାର ଲୋକେ ଥାନାରେ ଲିଖିତ ଭାବେ ଜଣାଇ ଥିଲେ । ପୋଲିସ ମଧ୍ୟ ବହୁ ଖୋଜାଖୋଜି କରିଥିଲା । କିନ୍ତୁ କୌଣସି ପତ୍ତା ମିଳିନଥିଲା ।