ଅନୁଗୋଳ: ଜିଲ୍ଲାପାଳଙ୍କ ବ୍ୟାଙ୍କ ଆକାଉଣ୍ଟରୁ ପ୍ରାୟ ୬୦ ଲକ୍ଷ ଟଙ୍କା ଗାୟବ ହେବା ଘଟଣାର । ଏନେଇ ଜଣେ ପୂର୍ବତନ ବ୍ୟାଙ୍କ ମ୍ୟାନେଜର ଶକ୍ତି ବେଦାନ୍ତ ଦାସଙ୍କୁ ଅନୁଗୋଳ ପୋଲିସ ଗିରଫ କରି କୋର୍ଟ ଚାଲାଣ କରିଛି ।
ଭିଡିଓ ସୌଝନ୍ୟ: ସମ୍ବାଦଦାତା, ଅନୁଗୋଳ
ସୂଚନା ଅନୁସାରେ, ଅନୁଗୋଳ HDFC ବ୍ୟାଙ୍କରେ ଜିଲ୍ଲାପାଳଙ୍କ ନାଁରେ ଏକ ଆକାଉଣ୍ଟ ରହିଥିବାବେଳେ ବିଭିନ୍ନ ସରକାରୀ ଟଙ୍କା ରଖାଯିବା ସହ ବିଭିନ୍ନ ଉନ୍ନୟନମୂଳକ କାର୍ଯ୍ୟରେ ସେହି ଟଙ୍କାକୁ ଲଗାଯାଇଥାଏ । ତେବେ ଗତ କିଛିଦିନ ତଳେ ଏହି ଆକାଉଣ୍ଟର ଷ୍ଟେଟମେଣ୍ଟ ଅଣାଯିବା ପରେ ବିଭିନ୍ନ ସମୟରେ ୮ ଟି ଚେକ ମାଧ୍ୟମରେ ଏହି ଆକାଉଣ୍ଟରୁ ୫୯ ଲକ୍ଷ ୪୧ ହଜାର ୪୮୧ ଟଙ୍କା ଉଠା ଯାଇଥିବା ଜଣାପଡିଥିଲା ।
ଆଉ ଯେଉଁ ଚେକ ମାଧ୍ୟମରେ ଏହି ଟଙ୍କା ଉଠା ଯାଇଥିଲା, ସେଥିରେ ଥିବା ଦସ୍ତଖତ ମଧ୍ୟ ଜାଲି ଥିବା ଜଣାପଡିଥିଲା । ତେବେ ଏନେଇ ଜିଲ୍ଲାପାଳ କୌଣସି ଚେକ ବୁକରେ ଟଙ୍କା ଉଠାଇ ନଥିବା ଜଣାପଡିବା ପରେ ଅନୁଗୋଳ ଥାନାରେ ଲିଖିତ ଅଭିଯୋଗ ହୋଇଥିଲା ।