ତାଳଚେରରୁ 6.35 ଗ୍ରାମ ବ୍ରାଉନ ସୁଗାର ଜବତ, 4 ଅଭିଯୁକ୍ତ ଗିରଫ

ଅନୁଗୋଳ ଜିଲ୍ଲାରେ ବେଧଡକ ଚାଲିଛି ଧଳା ଜହର କାରବାର । ଘଟଣାରେ ତାଳଚରେରୁ 4 ଅଭିଯୁକ୍ତ ଗିରଫ । ଅଧିକ ପଢନ୍ତୁ...

ଅନୁଗୋଳ: ଜିଲ୍ଲାର ତାଳଚେର ପୋଲିସ ହାତରେ ଧରାପଡିଛି ଧଳା ଜହର। ବ୍ରାଉନ ସୁଗାର ବିକ୍ରି ପାଇଁ ରଖିଯାଇଥିବା ବେଳେ ଘଟଣାରେ 4 ଜଣଙ୍କୁ ଗିରଫ କରିଛି ପୋଲିସ ।

ଶନିବାର ତାଳଚେର ପୋଲିସ ସେମାନଙ୍କ ନିକଟରୁ 6.35 ଗ୍ରାମ ବ୍ରାଉନ ସୁଗାର ଜବତ କରିଛି । ଗିରଫ ଅଭିଯୁକ୍ତ ମାନେ ଢେଙ୍କାନାଳ ଜିଲ୍ଲା ଦଶୀପୁର ଗାଁର ବଳଭଦ୍ର ଦାସ, ବାଲେଶ୍ବର ମଙ୍ଗଳପୁର ଗାଁର ଅମୃତାଂସୁ ଦାସ, ବାରିପଦାର ସନ୍ତୋଷ ସ୍ବାଇଁ ଓ ଅନୁଗୋଳ କୁଲାଡ଼ ଗାଁର ପ୍ରକାଶ ସେଠ ବୋଲି ଜଣାପଡିଛି।

ସେମାନେ ବ୍ରାଉନ ସୁଗାର ବିକ୍ରି କରୁଥିବା ଖବର ପାଇ ପୋଲିସ ଚଢ଼ାଉ କରିଥିଲା। ଘଟଣାସ୍ଥଳରୁ 7 ହଜାର ଟଙ୍କା, ମୋବାଇଲ ଫୋନ, ଏଟିଏମ କାର୍ଡ ଜବତ କରିଛି। ସନ୍ଧ୍ୟାରେ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ