ଅନୁଗୋଳ: ଜମୁଛି ଅନୁଗୋଳର ଗଣପର୍ବ ଗଜଲକ୍ଷ୍ମୀ ପୂଜା । ରଙ୍ଗୀନ ଆଲୋକର ମାଳାରେ ସଜେଇ ହୋଇଛି ସାରା ସହର । ଏଗାର ଦିନ ଧରି ହେବାକୁ ଥିବା ଏହି ପୂଜାର 5ମ ଦିନରେ ବି ଜମିଥିଲା ଭିଡ । ଆଉ ସଞ୍ଜ ନଇଁବା କ୍ଷଣି ସହରକୁ ଛୁଟୁଛି ଦେଖଣାହାରୀଙ୍କ ସୁଅ । ପୂଜାର ମଜା ନେବା ସହିତ ଘରକରଣା ଜିନିଷ କିଣୁଛନ୍ତି ସମସ୍ତେ । ଏଥିପାଇଁ ଅନେକ ଆୟୋଜନ କରିଛନ୍ତି ଆୟୋଜକ ।
ଗଜଲକ୍ଷ୍ମୀ ପୂଜାରେ ବଢୁଛି ଦେଖଣାହାରୀଙ୍କ ଭିଡ
ସମସ୍ତେ ପୂଜା ବୁଲିବା ସହିତ ପୂଜାର ଭରପୁର ଫାଇଦା ନେବାରେ ବ୍ୟସ୍ତ । ଚଳିତଥର ସହରରେ ୫୦ରୁ ଅଧିକ ମଣ୍ଡପରେ ମାଙ୍କୁ ଲକ୍ଷ୍ମୀ ଓ ଲକ୍ଷ୍ମୀ-ନାରାୟଣ ରୂପରେ ପୂଜା କରାଯାଉଛି । ସହରରେ ପୂଜା ଆୟୋଜନ କରିଥିବା ପ୍ରମୁଖ ପୂଜା ମଣ୍ଡପ ଗୁଡିକରେ ଭଳିକି ଭଳି ସାଜସଜ୍ଜା ସହିତ ଆକର୍ଷଣୀୟ ତୋରଣ ମଧ୍ୟ ନିର୍ମାଣ କରିଛନ୍ତି ।