ପୋଖରୀରେ ବୁଡି ୨ ନାବାଳିକା ମୃତ

ଅନୁଗୋଳ ଜିଲ୍ଲା ପୁରୁଣାକୋଟ ଥାନା ଅନ୍ତର୍ଗତ କନ୍ତଡା ଗାଁରେ ଅଘଟଣ । ପୋଖରୀରେ ଗାଧୋଉଥିବା ସମୟରେ ବୁଡିଗଲେ ୨ ନାବାଳିକା । ଅଧିକ ପଢନ୍ତୁ...

ଅନୁଗୋଳ: ପୋଖରୀରେ ଗାଧୋଇବାବେଳେ ଦୁଇ ନାବାଳିକାଙ୍କ ମୃତ୍ୟୁ । ଏଭଳି ଏକ ଦୁଃଖ ଘଟଣା ଘଟିଛି ଅନୁଗୋଳ ଜିଲ୍ଲା ପୁରୁଣାକୋଟ ଥାନା ଅନ୍ତର୍ଗତ କନ୍ତଡା ଗାଁରେ ।

ପୋଖରୀରେ ଗାଧୋଇବାକୁ ଯାଇଥିବା ସମୟରେ ପାଣିରେ ବୁଡି ଦୁଇ ନାବାଳିକାଙ୍କ ମୃତ୍ୟୁ ଘଟିଛି । ମୃତ ନାବାଳିକା ଶ୍ରୀମତୀ ପ୍ରଧାନ ଓ ବର୍ଷା ସାହୁ । ଉଭୟଙ୍କ ବୟସ ପ୍ରାୟ ୧୨ବର୍ଷ ହେବ । ସାଙ୍ଗ ହୋଇ ଗାଧୋଇବାକୁ ଗାଁ ପୋଖରୀକୁ ଯାଇଥିଲେ । ଘରକୁ ଫେରିବା ବିଳମ୍ବ ହେବାରୁ ପରିବାର ଲୋକେ ଖୋଜାଖୋଜି କରିଥିଲେ । ବହୁ ସମୟ ପରେ ପୋଖରୀରେ ଭାସୁଥିବାର ଦେଖି ଉଦ୍ଧାର କରିଥିଲେ । ଉଭୟଙ୍କ ମୃତ୍ୟୁ ଘଟିଛି । ଖବର ପାଇ ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ