ଅନୁଗୁଳ: ଦିନକୁ ଦିନ ଜିଲ୍ଲାରେ କୋରୋନା ସଂକ୍ରମିତଙ୍କ ସଂଖ୍ୟା ସଂଖ୍ୟା ବୃଦ୍ଧି ପାଉଛି । ବିଶେଷ କରି ବାହାରୁ ଆସୁଥିବା ଲୋକଙ୍କ ଦ୍ବାରା ଅଧିକ ସଂକ୍ରମଣ ବ୍ୟାପୁଛି । ଏହାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ପଦକ୍ଷେପ ଗ୍ରହଣ କରାଯାଉଛି । ସପ୍ତାହନ୍ତ ସଟଡାଉନ ବି ଜାରି ରହିଛି । ତଥାପି କୋରୋନା ସଂକ୍ରମିତଙ୍କ ସଂଖ୍ୟାରେ ବୃଦ୍ଧି ଜିଲ୍ଲା ପ୍ରଶାସନର ଚିନ୍ତାକୁ ଦ୍ବିଗୁଣିତ କରିଛି । ଏହି ପରିପ୍ରେକ୍ଷୀରେ ଜିଲ୍ଲାପାଳ ମନୋଜ କୁମାର ମହାନ୍ତି ଶନିବାର ଆଉ ଏକ ନିର୍ଦ୍ଦେଶନାମା ଜାରି କରିଛନ୍ତି ।
ହଟସ୍ପଟ ଜୋନରୁ ଆସିଲେ ଅନୁଗୋଳରୁ 14 ଦିନିଆ କ୍ବାରେନଣ୍ଟିନ ବାଧ୍ୟତାମୂଳକ
ଯେକୌଣସି କୋରୋନା ହଟସ୍ପଟ୍ ଜିଲ୍ଲା କିମ୍ବା ଅଞ୍ଚଳରୁ ଅନୁଗୁଳ ଆସିବା ଉପରେ କଡା କଟକଣା ଲଗାଯାଇଛି । ଅତି ଜରୁରୀ ପରିସ୍ଥିତିରେ କେହି ଆସିିଲେ 14 ଦିନ କ୍ବାରେନଣ୍ଟାଇନ ରହିବା ନିୟମକୁ ବାଧ୍ୟତାମୂଳକ କରାଯାଇଛି । ଜିଲ୍ଲାପାଳଙ୍କ ଏହି ନିର୍ଦ୍ଦେଶନାମାକୁ ଜିଲ୍ଲାବାସୀ ସ୍ବାଗତ କରିଛନ୍ତି ।