ଅନୁଗୋଳ: ବାର୍ଦ୍ଧକ୍ୟ ଭତ୍ତା ପାଇବାରୁ ବଞ୍ଚିତ ଶରଧାପୁର ପଞ୍ଚାୟତର ପ୍ରାୟ 10 ବୃଦ୍ଧ । ନିଜ ସମସ୍ୟା ସଂପର୍କରେ ବାରମ୍ବାର ସରପଞ୍ଚକୁ ଅବଗତ କରାଇ ନିରାଶ ହେବା ପରେ ଗୁରୁବାର ବୃଦ୍ଧାମାନେ ଜିଲ୍ଲାପାଳଙ୍କ ନିକଟକୁ ଯାଇ ନିଜ ସମସ୍ୟା ସଂପର୍କରେ ଜଣାଇଥିବା ସୂଚନା ମିଳିଛି ।
ମିଳିଥିବା ସୂଚନା ଅନୁସାରେ ଅନୁଗୋଳ ବ୍ଲକ ଶରଧାପୁର ପଞ୍ଚାୟତର ପ୍ରାୟ 10ରୁ ଅଧିକ ବୃଦ୍ଧ ଓ ବୃଦ୍ଧାଙ୍କୁ ବାର୍ଦ୍ଧକ୍ୟ ଭତ୍ତା ମିଳୁ ନାହିଁ । ଏହି ଅସୁବିଧା ସଂପର୍କରେ ସେମାନେ ବାରମ୍ବାର ପଞ୍ଚାୟତ କାର୍ଯ୍ୟାଳୟଠାରୁ ଆରମ୍ଭ କରି ସରପଞ୍ଚ , ୱାର୍ଡ଼ ମେମ୍ବର ଓ ବ୍ଲକରେ ଆବେଦନ କରିବା ପରେ ମଧ୍ୟ କେହି ତାଙ୍କ କଥା ଶୁଣିନଥିବା ସେମାନେ ଅଭିଯୋଗ କରିଛନ୍ତି । 70 ବର୍ଷ ଓ ତହିଁରୁ ଉର୍ଦ୍ଧ୍ବ ବୃଦ୍ଧାମାନେ ପରିଣତ ବୟସରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ତେବେ ଶେଷରେ ବୃଦ୍ଧା ବ୍ୟକ୍ତିମାନେ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଥିବା ସୂଚନା ମିଳିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
