ଟୋକିଓ: ୪୧ ବର୍ଷ ପରେ ଭାରତୀୟ ହକି ଟିମ୍ ଗୁରୁବାର ଇତିହାସ ରଚିଛି । Tokyo Olympicsରେ କାଂସ୍ୟ ପଦକ ଜିତିଛି ଟିମ୍ । ଆଉ ସାରା ଦେଶ ହୋଇ ଉଠିଛି ଉତ୍ସବ ମୁଖର । ସମସ୍ତ ଦେଶବାସୀ ଭାରତୀୟ ହକି ଟିମ୍କୁ ଶୁଭେଚ୍ଛା ଦେଉଥିବାବେଳେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଧିନାୟକ ମନପ୍ରୀତ ସିଂହ ଓ ଉଭୟ କୋଚଙ୍କ ସହ କଥା ହୋଇ ସେମାନଙ୍କୁ ଶୁଭେଚ୍ଛା ଦେଇଛନ୍ତି ।
ମଙ୍ଗଳବାର ସେମିଫାଇନାଲରେ ପରାଜିତ ହେବା ପରେ ଭାରତରୁ ଟୋକିଓକୁ ଫୋନ ଲଗାଇଥିଲେ ପ୍ରଧାନମନ୍ତ୍ରୀ ଆଉ ବଢ଼ାଇଥିଲେ ଖେଳାଳିଙ୍କ ମନୋବଳ । ଆଉ ଗୁରୁବାର ଯେତେବେଳେ କାଂସ୍ୟ ପଦକ ଜିତିଥିଲା ଭାରତୀୟ ଟିମକୁ ପୁଣି ଏକ କଲ୍ ଯାଇଥିଲା ଭାରତରୁ, ଆଉ ଏଥର ସାନ୍ତ୍ବନା ନୁହେଁ ଶୁଭେଚ୍ଛା ଦେବା ପାଇଁ ।
ପ୍ରଧାନମନ୍ତ୍ରୀ ମୋଦି ଫୋନ ଯୋଗେ ମନପ୍ରୀତଙ୍କୁ କହିଥିଲେ ଯେ, ‘‘ଆପଣଙ୍କୁ ଅନେକ ଅନେକ ଅନେକ ଶୁଭେଚ୍ଛା । ଦେଶ ଆଜି ଆପଣଙ୍କ ପାଇଁ ଖୁସିରେ ନାଚୁଛି । ସେଦିନ ଆପଣଙ୍କ ସ୍ବର ଟିକେ ଧିମା ଧିମା ଥିଲା ଆଜି କିନ୍ତୁ ଠିକ୍ ଶୁଣାଯାଉଛି ।’’