ନୂଆଦିଲ୍ଲୀ: ଭାରତ ପହଞ୍ଚିଲେ ଷ୍ଟାର ଶଟଲର ପିଭି ସିନ୍ଧୁ । ବିମାନ ବନ୍ଦରରେ ସିନ୍ଧୁଙ୍କୁ କରାଗଲା ସ୍ବାଗତ । ବେଶ୍ ଖୁସି ଥିବା କହିଛନ୍ତି ସିନ୍ଧୁ । ସଫଳତା ପାଇଁ ବ୍ୟାଡମିଣ୍ଟନ ଆସୋସିଏସନକୁ ଧନ୍ୟବାଦ ଦେଇଛନ୍ତି ।
ଭାରତ ଫେରିଲେ ସଫଳ ଶଟଲର ସିନ୍ଧୁ
ପଦକ ଜିତିବା ପରେ ମଙ୍ଗଳବାର ଟୋକିଓରୁ ସ୍ବଦେଶ ଫେରି ଆସିଛନ୍ତି ଭାରତର ଷ୍ଟାର ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁ । ଦିଲ୍ଲୀ ବିମାନବନ୍ଦରରେ ତାଙ୍କୁ ବିପୁଳ ସ୍ବାଗତ କରାଯାଇଛି । ଫେରିବା ପରେ ସିନ୍ଧୁ ନିଜର ପ୍ରତିକ୍ରିୟା ମଧ୍ୟ ରଖିଛନ୍ତି । ‘‘ମୁଁ ବହୁତ ବହୁତ ଖୁସି ଅଛି । ବ୍ୟାଡମିଣ୍ଟନ ଆସୋସିଏସନ ସହ ତାଙ୍କୁ ସମର୍ଥନ ଓ ଉତ୍ସାହିତ କରିଥିବା ସମସ୍ତଙ୍କୁ ମୁଁ ଧନ୍ୟବାଦ ଦେଉଛି । ଏହା ଏକ ଖୁବ୍ ଖୁସିର ମୁହୂର୍ତ୍ତ’’ ବୋଲି କହିଛନ୍ତି ସିନ୍ଧୁ ।