ନୂଆଦିଲ୍ଲୀ:ପାରାଲମ୍ପିକ୍ସ ସ୍ବର୍ଣ୍ଣ ପଦକ ବିଜେତା ସୁମିତ ଅନ୍ତିଲଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପଦକ ହାସଲ ନେଇ ତାଙ୍କୁ ଶୁଭେଚ୍ଛା ଦେବା ସହ ତାଙ୍କ କୋଚ ଓ ପରିବାର ବର୍ଗକୁ ଶୁଭକାମନା ଜଣାଇଛନ୍ତି । ଟୋକିଓ ପାରାଲମ୍ପିକ୍ସର ଜାଭେଲିନ ଥ୍ରୋ ଇଭେଣ୍ଟରେ ସ୍ବର୍ଣ୍ଣ ପଦକ ହାସଲ କରିଛନ୍ତି ସୁମିତ ଅନ୍ତିଲ ।
ଏହାକୁ ନେଇ ପ୍ରଧାନମନ୍ତ୍ରୀ ଫୋନ ଯୋଗେ ସୁମିତଙ୍କୁ କହିଛନ୍ତି ଯେ, "ଆପଣ ଦେଶକୁ ଗୌରବାନ୍ବିତ କରିଛନ୍ତି । ସମସ୍ତ ପ୍ରତିକୂଳ ପରିସ୍ଥିତି ମଧ୍ୟରେ ଆପଣଙ୍କ ସଂଘର୍ଷ ଯୋଗୁଁ ଏସବୁ ସମ୍ଭବ ହୋଇପାରିଛି । ଏଥିପାଇଁ ଆପଣଙ୍କ ଟିମ୍, ଆପଣଙ୍କ କୋଚ୍ ଓ ଆପଣଙ୍କ ପରିବାର ବର୍ଗକୁ ଶୁଭେଚ୍ଛା ଜ୍ଞାପନ କରୁଛି । ଆପଣଙ୍କ କୀର୍ତ୍ତି ଦ୍ବାରା ଯୁବ କ୍ରୀଡ଼ାବିତ ଉତ୍ସାହିତ ହୋଇଛନ୍ତି ।"