ନୂଆଦିଲ୍ଲୀ:ଟୋକିଓ ଅଲମ୍ପିକ୍ରେ ଅଂଶଗ୍ରହଣ କରିଥିବା ଭାରତୀୟ ଆଥଲେଟ୍ଙ୍କୁ ଉତ୍ସାହିତ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଅପିଲ କରିଛନ୍ତି । ଅଲମ୍ପିକ ଉଦ୍ଘାଟନୀ ଉତ୍ସବକୁ ଦେଖିବା ପରେ ସମସ୍ତ ଭାରତବାସୀଙ୍କ ସମର୍ଥନ ଅଲମ୍ପିକ ଟିମ ସହିତ ରହିଥିବା ନେଇ ମୋଦି କହିଛନ୍ତି ।
ନିଜର ମାସିକ ରେଡିଓ କାର୍ଯ୍ୟକ୍ରମ ମନ୍କି ବାତ୍ରେ ପ୍ରଧାନମନ୍ତ୍ରୀ ମୋଦି କହିଛନ୍ତି, "ଦୁଇଦିନ ତଳେ ଉଦ୍ଘାଟନୀ ସମାରୋହର ଦୃଶ୍ୟ ଏବେବି ଆଖି ସାମ୍ନାରେ ରହିଛି । ସେଥିପାଇଁ ମନ କି ବାତ୍ କାର୍ଯ୍ୟକ୍ରମ ସେହି ମୁହୂର୍ତ୍ତକୁ ସ୍ମରଣ କରି ଆରମ୍ଭ କରୁଛି । ଖେଳାଳିମାନେ ତ୍ରିରଙ୍ଗା ଧରି ଚାଲିବା ସମୟରେ କେବଳ ନୁହେଁ ବରଂ ସମସ୍ତ ଦେଶବାସୀ ଉତ୍ସାହିତ ହୋଇପଡିଥିଲେ । ଯେପରି ସମସ୍ତ ଭାରତୀୟ ଏକତ୍ର ଗୋଟିଏ ଭାବନା ସହ 'ବିଜୟୀ ଭବଃ' ବୋଲି ଖେଳାଳିଙ୍କୁ କହୁଥିଲେ ।"