ଇମ୍ଫାଲ: ପ୍ରାୟ ଦୁଇ ବର୍ଷ ପରେ ନିଜ ଜନ୍ମମାଟି ମଣିପୁରର ଇମ୍ଫାଲରେ ପହଁଞ୍ଚିଛନ୍ତି ଅଲମ୍ପକି ରୌପ୍ୟ ପଦକ ବିଜୟିନୀ ମୀରାବାଇ ଚାନୁ । ମଣିପୁର ବିମାନବନ୍ଦରରେ ପହଁଞ୍ଚିବା ପରେ ଖୋଦ ମଣିପୁର ମୁଖ୍ୟମନ୍ତ୍ରୀ ଏନ ବିରେନ ସିଂହ ଚାନୁଙ୍କୁ ସ୍ବାଗତ କରିବା ପାଇଁ ପହଁଞ୍ଚିଥିଲେ ।
ଜନ୍ମମାଟିରେ ଚାନୁ, ରାସ୍ତାର ଉଭୟ ପାଶ୍ବରେ ରହି ସ୍ବାଗତ କଲେ ଲୋକ
ଚାନୁଙ୍କ ଗୋଟିଏ ଝଲକ ପାଇବାକୁ ଚାହିଁ ରହିଥିଲେ ଫ୍ୟାନ୍ସ । ସେପଟେ ଇମ୍ଫାଲ ଅଭିମୁଖେ କାରରେ ଯିବା ବେଳେ ରାସ୍ତାର ଉଭୟପାର୍ଶ୍ବରେ ଚାନୁଙ୍କୁ ସ୍ବାଗତ ତଥା ଅଭିନନ୍ଦନ ଜଣାଇବା ପାଇଁ ଲାଗିଥିଲା ଲୋକଙ୍କ ଧାଡ଼ି । କରତାଳିରେ ରାଜରାସ୍ତା କମ୍ପିବା ସହ ବ୍ୟାନର ଓ ପୋଷ୍ଟର ଦେଖାଇ ମୀରାବାଇଙ୍କୁ ସ୍ବାଗତ କରାଯାଇଛି ।