ବରଗଡ:ଜାପାନର ଟୋକିଓରେ ଚାଲିଥିବା ପାରାଲମ୍ପିକ୍ସ ବ୍ୟାଡମିଣ୍ଟନ ସିଙ୍ଗଲ୍ସରେ ଓଡ଼ିଆ ପୁଅ ପ୍ରମୋଦ ଭଗତ ଆଜି ସ୍ବର୍ଣ୍ଣ ପଦକ ଜିତିବା ପରେ ବରଗଡ଼ ଜିଲ୍ଲା ଅତାବିରା ଅଞ୍ଚଳରେ ଖୁସିର ମାହୋଲ ଦେଖିବାକୁ ମିଳିଛି । ପ୍ରମୋଦ ଭଗତ ବରଗଡ଼ ଜିଲ୍ଲା ଅତାବିରା ଟାଉନର ହୋଇଥିବାବେଳେ ଆଜି ପ୍ରମୋଦ ଦେଶ ପାଇଁ ଆଣିଥିବା ଏହି ସ୍ବର୍ଣ୍ଣ ବିଜୟରେ ଅତାବିରାବାସୀ ମଧ୍ୟରେ ଖୁସିର ଲହର ଖେଳିଯାଇଛି ।
ଦେଶପାଇଁ ସ୍ୱର୍ଣ୍ଣ ପଦକ ଜିତିଲେ ବରଗଡର ପ୍ରମୋଦ, ଅଞ୍ଚଳରେ ଉତ୍ସବର ମାହୋଲ
ଫାଇନାଲରେ ବ୍ରିଟେନ ପ୍ରତିଦ୍ବନ୍ଦ୍ବୀ ଡାନ୍ ବେଥେଲଙ୍କୁ ହରାଇ ପ୍ରମୋଦ ସ୍ବର୍ଣ୍ଣ ପଦକ ଆଣିଛନ୍ତି । ଫାଇନାଲରେ ପ୍ରମୋଦ ତାଙ୍କ ବ୍ରିଟେନ ପ୍ରତିଦ୍ବନ୍ଦ୍ବୀଙ୍କୁ ୨୧-୧୪, ୨୧-୧୭ ସେଟ୍ରେ ହରାଇଛନ୍ତି । ପ୍ରଥମ ସେଟ୍ରେ ଆଗୁଆ ରହିବା ପରେ ୨ୟ ସେଟ୍ରେ ମଧ୍ୟ ବିଜୟୀ ହୋଇଥିଲେ ।