ଟୋକିଓ: ଭାରତୀୟ ବକ୍ସର ଆଶିଷ କୁମାର ଚଳିତ ଟୋକିଓ ଅଲମ୍ପିକ (69-75 କିଲୋଗ୍ରାମ) ପୁରୁଷ ମିଡିଲୱେଟ୍ ବର୍ଗ ଇଭେଣ୍ଟରୁ ବାଦ ପଡିଛନ୍ତି । ରାଉଣ୍ଡ ଅଫ 32ରେ ଚାଇନା ବକ୍ସର ତୌହେତା ଇରବେକେଙ୍କ ଠାରୁ ପରାସ୍ତ ହୋଇଛନ୍ତି ଆଶିଷ । ସୋମବାର ଖେଳାଯାଇଥିବା ଏହି ମୁକାବିଲାରେ 5-0 ବ୍ୟବଧାନରେ ଭାରତୀୟ ବକ୍ସର ଆଶିଷଙ୍କୁ ପରାଜୟ ମିଳିଛି ।
ଚାଇନା ପ୍ରତିନ୍ଦ୍ବନ୍ଦ୍ବୀ ପ୍ରଥମ ରାଉଣ୍ଡରେ ପ୍ରଭାବୀ ପ୍ରଦର୍ଶନ ସହ 5-0ରେ ଆଗୁଆ ହୋଇଥିଲେ । ଫଳରେ ଆଶିଷଙ୍କ ପାଇଁ ମ୍ୟାଟଚକୁ ଫେରିବା କଷ୍ଟକର ହୋଇପଡିଥିଲା । ପରବର୍ତ୍ତୀ ରାଉଣ୍ଡରେ ମଧ୍ୟ ଭାଗ୍ୟ ଭାରତୀୟ ବକ୍ସର ଆଶିଷଙ୍କ ସାଥ୍ ଦେଇନଥିଲା । ଶେଷ ରାଉଣ୍ଡରେ କମବ୍ୟାକ କରିବାକୁ ସମସ୍ତ ପ୍ରୟାସ କରିଥିଲେ ମଧ୍ୟ ସଫଳ ହୋଇପାରିନତିଲେ ଆଶିଷ । ଫଳରେ ଅଲମ୍ପିକରୁ ପରାଜୟ ସହ ବାଦ୍ ପଡିଥିଲେ ।
ମେରୀକମ ରବିବାର ମହିଳା ଫ୍ଳାଏୱେଟ୍(48-51କିଲୋଗ୍ରାମ) ବର୍ଗର ରାଉଣ୍ଡ 32 ମୁକାବିଲାରେ ଡୋମିନିକାନ ରିପ୍ଳବିକ୍ର ମିଗ୍ୟୁଏଲିନା ଗ୍ରାସିଆଙ୍କୁ ହରାଇ ରାଉଣ୍ଡ ଅଫ 16ରେ ପ୍ରବେଶ କରିଥିଲେ ।