ଟୋକିଓ: ମଙ୍ଗଳବାର Tokyo Olympics ରେ ବିଶ୍ବର ଏକ ନମ୍ବର ତଥା ଭାରତୀୟ ଷ୍ଟାର ତୀରନ୍ଦାଜ ଦୀପିକା କୁମାରୀ ନିଜର ଲକ୍ଷ୍ୟଭେଦ କରିପାରିଛନ୍ତି । ପ୍ରଥମେ ଭୁଟାନ ଓ ପରେ ଆମେରିକା ପ୍ରତିପକ୍ଷଙ୍କୁ ହରାଇ ପ୍ରି-କ୍ବାର୍ଟର ଫାଇନାଲରେ ପ୍ରବେଶ କରିଛନ୍ତି ଦୀପିକା ।
ବୁଧବାର ରାଉଣ୍ଡ ଅଫ୍ ୧୬ ବର୍ଗରେ ଆମେରିକାର ମୁକିନୋ ଫର୍ଣ୍ଣାନଡେଜଙ୍କୁ ୬-୪ ସେଟରେ ପରାସ୍ତ କରିଛନ୍ତି ଦୀପିକା । ପ୍ରଥମ ସେଟ୍ରେ ଆମେରିକା ତୀରନ୍ଦାଜ ୨୬ ସ୍କୋର କରି ୨-୦ ଲିଡ୍ ନେଇଥିବା ବେଳେ ଦୀପିକା ୨୫ ସ୍କୋର କରି ନିରାଶ କରିଥିଲେ ।
କିନ୍ତୁ ଦ୍ବିତୀୟ ସେଟ୍ରେ କମବ୍ୟାକ କରିଥିଲେ ଦୀପିକା ଆଉ ସ୍କୋରକୁ ୨-୨ରେ ବରାବର କରି ନେଇଥିଲେ । ଏହାପରେ ତୃତୀୟ ସେଟ୍ରେ ମଧ୍ୟ ଜାରି ରହିଥିଲା ଦୀପିକାଙ୍କ ଦବଦବା । ପୁଣି ଥରେ ବିଚକ୍ଷଣ ପ୍ରଦର୍ଶନ କରି ସେ ସ୍କୋରକୁ ୪-୨ ରେ ପହଁଞ୍ଚାଇଥିଲେ ।