ହାଇଦ୍ରାବାଦ: ରବିବାରକୁ ରୋମାଞ୍ଚିତ କରି Tokyo Olympics ସେମିଫାଇନାଲରେ ଭାରତୀୟ ପୁରୁଷ ହକି ଟିମ ପହଞ୍ଚିଥିବା ବେଳେ ମହିଳା ହକି ଟିମ ମଧ୍ୟ ସୋମବାର ହାସଲ କରିଛି ସେମି ଟିକେଟ । ଅଷ୍ଟ୍ରେଲିଆ ଦଳକୁ ୧-୦ ରେ ହରାଇ ଇତିହାସ ରଚିଛନ୍ତି ମହିଳା ଟିମ୍ର ଖେଳାଳି ।
ତେବେ ଏହି ବିଜୟ ପରେ ସଭିଁଙ୍କ ପାଖରୁ ଭାରତୀୟ ମହିଳା ହକି ଟିମ୍ ପାଖକୁ ଛୁଟିଛି ଶୁଭେଚ୍ଛାର ସୁଅ । ଆଉ ଏହାରି ଭିତରେ ସମସ୍ତେ ମନେ ପକାଇଛନ୍ତି ଫିଲ୍ମ ‘ଚକ୍ ଦେ ଇଣ୍ଡିଆ (Chak De India)’ ଆଉ ତାର କୋଚ୍ କବୀର ଖାନଙ୍କୁ । ଏହି ଚଳଚ୍ଚିତ୍ରରେ କିଙ୍ଗ ଖାନ୍ ଶାହରୁଖଙ୍କୁ ଭାରତୀୟ ମହିଳା ହକି ଟିମର କୋଚ୍ ଭାବେ ଦେଖିବାକୁ ମିଳିଥିଲା ।
କୋଚ କକୀର ଖାନ୍ ନିଜ ଦଳକୁ ଟ୍ରେନିଂ ଦେଇ କିଭଳି ଭାବେ ବିଶ୍ବ ଚାମ୍ପିୟନଶିପ ଜିତାଇଥିଲେ ତାହା ଦେଖିବାକୁ ମିଳେ ଏହି ଫିଲ୍ମରେ । ତେବେ ଟୋକିଓ ଅଲମ୍ପିକ୍ ରେ ମହିଳା ଦଳ ପ୍ରଥମେ ପରାଜୟ ଓ ତାପରେ ଗୋଟିଏ ପରେ ଗୋଟିଏ ବିଜୟ ହାସଲ କରିବା ପରେ ସମସ୍ତଙ୍କୁ ମନେ ପଡ଼ିଛି ଚକ୍ ଦେ ଇଣ୍ଡିଆ ଫିଲ୍ମ ଓ ଶାହରୁଖ ଖାନ୍ଙ୍କୁ ଏଥିରେ ସମସ୍ତେ ଟ୍ୟାଗ କରିଛନ୍ତି ।