ନୂଆଦିଲ୍ଲୀ:ପାରାଲମ୍ପିକ୍ସରେ ଭାଗ ନେବାକୁ ଟୋକିଓ ଗସ୍ତ ଗଲା ଭାରତର ଆଉ ଏକ ୧୨ ଜଣିଆ ଦଳ । ଏଥିରେ ୫ ଜଣ ଜାଭେଲିନ ଥ୍ରୋ' ଖେଳାଳିଙ୍କ ସହ ଅନ୍ୟ ଇଭେଣ୍ଟରେ ଭାଗ ନେବାକୁ ଥିବା ୭ ଜଣ ଖେଳାଳି ସାମିଲ ରହିଛନ୍ତି । ଭେଟେରାନ ପାରା ଜାଭେଲିନ ଥ୍ରୋ ଖେଳାଳି ଦେବେନ୍ଦ୍ର ଝାଝରିଆ ଓ ବିଶ୍ବ ଚମ୍ପିଆନ ସନ୍ଦୀପ ଚୌଧୁରୀ ୫ ଜଣ ଜାଭେଲିନ ଥ୍ରୋ ଖେଳାଳିଙ୍କ ମଧ୍ୟରେ ସାମିଲ ରହିଛନ୍ତି । ସେମାନଙ୍କଠାରୁ ମଧ୍ୟ ଚଳିତ ପାରାଲମ୍ପିକ୍ସରେ ପଦକ ଆଶା କରାଯାଉଛି ।
୧୨ ଜଣିଆ ଭାରତୀୟ ପାରାଲମ୍ପିଆଙ୍କ ମଧ୍ୟରେ ଦୁଇଜଣ ଉଚ୍ଚ ଡିଆଁ ଖେଳାଳି ମଧ୍ୟ ସାମିଲ ରହିଛନ୍ତି । ସେମାନଙ୍କ ମଧ୍ୟରେ ଜଣେ ନିଶଦ କୁମାର ଓ ଅନ୍ୟ ଜଣେ ରାମ ପାଲ୍ । ଏହାସହ ଡିସକସ୍ ଥ୍ରୋ ଖେଳାଳି ଯୋଗେଶ କାଠୁନିଆ ମଧ୍ୟରେ ୧୨ ଜଣିଆ ଭାରତୀୟ ପାରାଲମ୍ପିଆନ ଦଳରେ ସାମିଲ ରହିଛନ୍ତି । ଯେଉଁମାନେ ଟୋକିଓ ଅଲମ୍ପିକ୍ସରେ ଭାଗ ନେବାକୁ ବୁଧବାର ଟୋକିଓ ଗସ୍ତ କରିଛନ୍ତି ।