ଲଣ୍ଡନ: ବିଶ୍ବ ମହିଳା ଟେନିସର ଅନ୍ୟତମ ଶ୍ରେଷ୍ଠ ଖେଳାଳି ହେଉଛନ୍ତି ଆସଲେ ବାର୍ଟି । ଶନିବାର ପ୍ରଥମଥର ପାଇଁ ବାର୍ଟି ଟେନିସର ସମ୍ମାନଜନକ ଟୁର୍ଣ୍ଣାମେଣ୍ଟ ୱିମ୍ବଲଡନ ଚମ୍ପିଆନ ହେବାସହ ପିଲାଦିନର ସ୍ବପ୍ନ ପୂରଣ କରିଛନ୍ତି । ତେବେ ଏକଦା ସେ ଥିଲେ ଜଣେ ଆଗଧାଡିର ପେଷାଦାର ମହିଳା କ୍ରିକେଟର । ମହିଳା ବିଗ ବାସ୍ ଲିଗ୍(WBBL) ରେ ତାଙ୍କର ଚୌକା, ଛକାରେ ଝୁମୁଥିଲେ କ୍ରିକେଟ ଫ୍ୟାନ୍ସ । ବର୍ଷ 2015 ସଂସ୍କରଣର ବିଗ ବାସ ଲିଗ୍ରେ ବ୍ରିସବେନ ହିଟ୍ ପକ୍ଷରୁ ଖେଳିଥିଲେ ଟେନିସ କ୍ୟାରିୟରର ସାମୟିକ ବିରତି ନେଇଥିଲେ ଓ ଏହାର ବର୍ଷକ ପରେ WBBL ଖେଳିଥିଲେ । 2016ରେ ପୁନଃ ଟେନିସକୁ ଫେରିଥିଲେ ।
ମାତ୍ର ସମୟ ବଦଳିଛି, ପରିଚୟ ବଦଳିଛି । କ୍ରିକେଟ ନୁହେଁ ବରଂ ଟେନିସର ତାରକା ପାଲଟିଯାଇଛନ୍ତି ଅଷ୍ଟ୍ରେଲୀୟ ଖେଳାଳି ଆସଲେ । ବିଶ୍ବ ଟେନିସର ଶ୍ରେଷ୍ଠ ଟୁର୍ଣ୍ଣାମେଣ୍ଟରେ ଦମ ଦେଖାଇଛନ୍ତି ।