ୟୁଏସ ଓପନ: 4ର୍ଥ ରାଉଣ୍ଡରେ ସେରେନା ୱିଲିୟମସ

ଚଳିତ ୟୁଏସ ଓପନର 4ର୍ଥ ରାଉଣ୍ଡରେ ପ୍ରବେଶ କରିଛନ୍ତି 23ଥର ଗ୍ରାଣ୍ଡ ସ୍ଲାମ ଚମ୍ପିଆନ ସେରେନା ୱିଲିୟମସ୍ ।

ନ୍ୟୁୟର୍କ: ଚଳିତ ୟୁଏସ ଓପନର 4ର୍ଥ ରାଉଣ୍ଡରେ ପ୍ରବେଶ କରିଛନ୍ତି 23ଥର ଗ୍ରାଣ୍ଡ ସ୍ଲାମ ଚମ୍ପିଆନ ସେରେନା ୱିଲିୟମସ ।

ରବିବାର(ସ୍ଥାନୀୟ ସମୟ) ଖେଳାଯାଇଥିବା ତୃତୀୟ ରାଉଣ୍ଡ ମ୍ଯାଚରେ ଆମେରିକାର ସ୍ଲୋନ ଷ୍ଟିଫେନଙ୍କୁ 2-6, 6-2, 6-2ରେ ହରାଇ ପରବର୍ତ୍ତୀ ରାଉଣ୍ଡକୁ ଉନ୍ନୀତ ହୋଇଛନ୍ତି ।

38 ବର୍ଷୀୟା ଭେଟେରାନ ଟେନିସ ଷ୍ଟାର ପ୍ରଥମ ସେଟ୍ ରେ 2-6ରେ ପରାଜୟର ସାମ୍ନା କରିଥିଲେ । ତେବେ ଏହାପରେ ଷ୍ଟିଫେନଙ୍କୁ କୌଣସି ସୁଯୋଗ ଦେଇନଥିଲେ ସେରେନା । ପରବର୍ତ୍ତୀ ଦୁଇଟି ସେଟ୍ ରେ ବିଜୟୀ ହୋଇଥିଲେ ।

ତେବେ ସେ ବର୍ଷ 2017ରେ ଅଷ୍ଟ୍ରେଲିଆ ଓପନ ଟାଇଟେଲ ସହ ଶେଷଥର ପାଇଁ ଗ୍ରାଣ୍ଡ ସ୍ଲାମ ବିଜେତା ହୋଇଥିଲେ । ଏହା ତାଙ୍କର 23ତମ ଗ୍ରାଣ୍ଡ ସ୍ଲାମ ଟାଇଟେଲ ରହିଥିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ