ଆଘାତ କାରଣରୁ ଫ୍ରେଞ୍ଚ ଓପନ୍‌ରୁ ଓହରିଲେ ସେରେନା ୱିଲିୟମ୍ସ

ଗୋଇଠିରେ ଆଘାତ ଲାଗିବା କାରଣରୁ ସେରେନା ୱିଲିୟମ୍ସ ଫ୍ରେଞ୍ଚ ଓପନ୍‌ରୁ ଓହରି ଯାଇଛନ୍ତି ।

ପ୍ୟାରିସ୍:23 ଥରର ଗ୍ରାଣ୍ଡସ୍ଲାମ ଚାମ୍ପିଆନ୍ ସେରେନା ୱିଲିୟମ୍ସ ଆଘାତ କାରଣରୁ ବୁଧବାର ଫ୍ରେଞ୍ଚ ଓପନ୍‌ରୁ ଓହରିଛନ୍ତି । ବୁଧବାର 64ତମ ମୁକାବିଲାରେ 39 ବର୍ଷୀୟ ଟେନିସ୍ ତାରକା ବୁଲଗେରିଆର ସୁଭେତାନା ପିରୋନକୋଭାଙ୍କୁ ଭେଟିବାର ଥିଲା ।

ଫ୍ରେଞ୍ଚ ଓପନ୍ ଅଫିସିଆଲ୍ ଟ୍ବିଟର ହ୍ୟାଣ୍ଡେଲ କୁହାଯାଇଛି, ଗୋଇଠିରେ ଆଘାତ ଲାଗିବା କାରଣରୁ ସେରେନା ୱିଲିୟମ୍ସ ଫ୍ରେଞ୍ଚ ଓପନ୍‌ରୁ ଓହରି ଯାଇଛନ୍ତି । ଚଳିତ ମାସ ଆରମ୍ଭରେ ଭିକ୍ଟୋରିଆ ଆଜାରେଙ୍କାଙ୍କୁ ଆମେରିକାର ଓପନ୍ ସେମିଫାଇନାଲ ପରାଜୟ ସମୟରେ ୱିଲିୟମ୍ସ ଆହତ ହୋଇଥିଲେ । ସେ କହିଛନ୍ତି ଯେ ଏହି ପ୍ରସଙ୍ଗରେ ଦୁଇ ସପ୍ତାହ ବିଶ୍ରାମ ଆବଶ୍ୟକ ହେବ ଏବଂ 4 ରୁ 6 ସପ୍ତାହ ପରେ ସେ ପୁଣି ପଡିଆକୁ ଫେରିପାରନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ