ବର୍ଲିନ୍:ଲଗ୍ସମବର୍ଗ ଓପନ ଡବଲ୍ସରେ କ୍ବାଟର ଫାଇନାଲରେ ପହଞ୍ଚିଲେ ଭାରତୀୟ ଟେନିସ ଷ୍ଟାର ସାନିଆ ମିର୍ଜା ଓ ତାଙ୍କ ଯୋଡ଼ିଦାର ସୁଆଇ ଝାଙ୍ଗ । ଲିଗ୍ ପର୍ଯ୍ୟାୟ ମ୍ୟାଚ୍ରେ ଜର୍ମାନୀର ଟାଇସିଆ ମୋରଡରଜର୍ ଓ ୟାନା ମୋରଡରଜର୍ଙ୍କୁ ମାତ ଦେଇଛନ୍ତି ସାନିଆ ଓ ସୁଆଇ । ଦୁଇଟି ସିଦ୍ଧା ସେଟରେ ଏହି ବିଜୟ ହାସଲ କରିଛନ୍ତି ସାନିଆ ଓ ତାଙ୍କ ଯୋଡ଼ିଦାର ।
ପ୍ରଥମ ସେଟ୍ରେ ୬-୨ରେ ବିଜୟ ହାସଲ କରିଥିବାବେଳେ ଦ୍ବିତୀୟ ସେଟ୍କୁ ୬-୩ରେ ବିଜୟ ହାସଲ କରିଛନ୍ତି ସାନିଆ ଓ ସୁଆଇ । ବର୍ତ୍ତମାନ ସୁଦ୍ଧା ସାନିଆ ମିର୍ଜା ୬ଟି ଯୁଗଳ ଗ୍ରାଣ୍ଡସ୍ଲାମ ଟାଇଟଲ ବିଜୟ ହୋଇ ସାରିଛନ୍ତି । ସେପଟେ ସୁଆଇ ଝାଙ୍ଗ ବର୍ତ୍ତମାନ ସୁଦ୍ଧା ୨ଟି ଯୁଗଳ ଗ୍ଲାଣ୍ଡସ୍ଲାମ ଟାଇଟଲ ହାସଲ କରିଛନ୍ତି । ନିକଟରେ ସେ ଅଷ୍ଟ୍ରେଲିଆର ସାମନ୍ଥା ଷ୍ଟୋସୁରଙ୍କ ସହ ମିଶି ଅଷ୍ଟ୍ରେଲିଆନ ଓପନ ଡବଲ୍ସ ଟାଇଟଲ ହାତେଇଛନ୍ତି ।