ଜ୍ୟୁରିକ: ଲୋକପ୍ରିୟ ଟେନିସ ତାରକା ରୋଜର ଫେଡରରଙ୍କ ଖେଳରେ ଦୁନିଆ ମନ୍ତ୍ରମୁଗ୍ଧ । ଆଜି ତାଙ୍କ କାମରେ ଲୋକଙ୍କ ହୃଦୟ ଜିଣି ନେଇଛନ୍ତି । 20ଥରର ଗ୍ରାଣ୍ଡ ସ୍ଲାମ ଚମ୍ପିଆନ ଫେଡରର ଓ ତାଙ୍କ ପତ୍ନୀ ମିର୍କା କୋରୋନା ଭାଇରାସ ମହାମାରୀ ସହ ଲଢିବା ପାଇଁ 8କୋଟି ଟଙ୍କାର ଦାନ କରିଛନ୍ତି । ନିଜର ଇନଷ୍ଟାଗ୍ରାମରେ ଏକ ପୋଷ୍ଟରେ କହିଛନ୍ତି ଯେ, ସ୍ବିଜରଲାଣ୍ଡରେ ସହାୟତା ଲୋଡୁଥିବା ପରିବାରଙ୍କୁ ସାହାଯ୍ୟ ।
ସୂଚନାଥାଉକି, ବିଶ୍ବ ସ୍ବାସ୍ଥ୍ୟ ସଙ୍ଗଠନ(WHO) ମୁତାବକ କୋରୋନା ଭାଇରାସ ସଂକ୍ରମିତ ଦେଶମାନଙ୍କ ମଧ୍ୟରେ ନବମ ସ୍ଥାନରେ ସ୍ବିଜରଲ୍ୟାଣ୍ଡ ରହିଛି ।
ଫେଡରର ନିଜ ପୋଷ୍ଟରେ ଲେଖିଛନ୍ତି, ବର୍ତ୍ତମାନର ସମୟ ସମସ୍ତଙ୍କ ପାଇଁ ବେଶ୍ ଚ୍ୟାଲେଞ୍ଜ ମୁହୂର୍ତ୍ତ । ଏହି ସମୟରେ କେହି ପଛରେ ନ ରୁହନ୍ତୁ । ମିର୍କା ଓ ମୁଁ ସ୍ବିଜରଲ୍ୟାଣ୍ଡର ସମସ୍ତ ଗରିବ ପରିବାରଙ୍କ ପାଇଁ 10ଲକ୍ଷ ସ୍ବିସ ପ୍ରେଙ୍କ ଦାନ କରିବାର ନିଷ୍ପତ୍ତି ନେଉଛୁ ।
ଆହୁରି ମଧ୍ୟ ସେ କହିଛନ୍ତି, ଆମର ଯୋଗଦାନ ଖାଲି ଆରମ୍ଭ । ଆଶା ଅଛି ଅନ୍ୟମାନେ ବି ସହୟାତା ଲୋଡୁଥିବା ପରିବାରର ସାହାଯ୍ୟ କରିବେ । ସମସ୍ତେ ମିଶି କି ଏହି ସଙ୍କଟରୁ ପାର ହୋଇପାରିବା । ସମସ୍ତେ ସୁସ୍ଥ ରୁହ ।
ସୂଚନାଥାଉକି, ସ୍ବିଜରଲ୍ୟାଣ୍ଡରେ କୋରୋନା ଭାଇରସରେ ପ୍ରାୟ 8ହଜାରରୁ ଉର୍ଦ୍ଧ୍ବ ଲୋକ ସଂକ୍ରମିତ ଅଛନ୍ତି । ଏହି ଦେଶରେ 5ରୁ ଅଧିକ ଲୋକ ଏକତ୍ରିତ ହେବା ଉପରେ ପ୍ରତିବନ୍ଧକ ଲଗାଯାଇଛି ।
