ପ୍ୟାରିସ୍: 2021 ସଂସ୍କରଣର ଫ୍ରେଞ୍ଚ ଓପନ ପୁରୁଷ ଏକକ ଚମ୍ପିଆନ ହୋଇଛନ୍ତି ନୋଭାକ ଜୋକଭିକ । ତେବେ ବିଜୟ ପରେ ବିଜୟୀ ରାକେଟ୍କୁ ଜଣେ କୁନି ପ୍ରଂଶସକଙ୍କୁ ଉପହାର ଦେଇଥିଲେ ଜୋକଭିକ । ପିଲାଟି ବିଶ୍ବ ନମ୍ବର 1 ଜୋକଭିକଙ୍କ ଠାରୁ ର୍ୟାକେଟ ପାଇବା ପରେ ଖୁସିରେ ନାଚି ଉଠିଥିଲା । ଏହି ହୃଦୟସ୍ପର୍ଶୀ ଦୃଶ୍ୟ ଭିଡିଓ ସୋସିଆଲ ମିଡିଆରେ ଭାଇରାଲ ହେବାପରେ ସମସ୍ତଙ୍କ ହୃଦୟ ଛୁଇଁଛି । ବିଶ୍ବର ନମ୍ବର 1 ଜୋକଭିକ 19ତମ ଗ୍ରାଣ୍ଡସ୍ଲାମ ଟାଇଟେଲ ଜିତିବା ସହ ପ୍ରମୁଖ ସମସ୍ତ 4ଟି ଗ୍ରାଣ୍ଡସ୍ଲାମ ଦୁଇଥର ଲେଖାଏଁ ବିଜେତା ହେବାରେ 52 ବର୍ଷରେ ପ୍ରଥମ ଖେଳାଳି ହୋଇଛନ୍ତି ।
ଷ୍ଟିଫନ ସିତସିପସଙ୍କୁ ଫ୍ରେଞ୍ଚ ଓଫନ ଫାଇନାଲରେ 6-7(6),2-6.6-3,6-2,6-4ସେଟ୍ରେ ହରାଇ ଟାଇଟେଲ ହାତେଇଛନ୍ତି ।