ହାଇଦ୍ରାବାଦ: ଫ୍ରେଞ୍ଚ ଓପନ ଖେଳିବେ ନାହିଁ ଅଷ୍ଟ୍ରେଲୀୟ ଟେନିସ ଖେଳାଳି ଆସଲେ ବାର୍ଟି । ଏନେଇ ମଙ୍ଗଳବାର ସେ ସ୍ପଷ୍ଟ କରିଛନ୍ତି । ସ୍ବାସ୍ଥ୍ୟ ସୁରକ୍ଷା ନେଇ ଗ୍ରହଣ କରାଯାଇଥିବା ପଦକ୍ଷେପରେ ଅସନ୍ତୁଷ୍ଟ ବ୍ୟକ୍ତ କରି ଟୁର୍ଣ୍ଣାମେଣ୍ଟରୁ ଓହରିଯାଇଛନ୍ତି ।
ବିଶ୍ବ ମାନ୍ୟତାର ନମ୍ବର 1 ଖେଳାଳି, ଆସଲେ ଗତବର୍ଷ ମାର୍କେତା ଭୋଣ୍ଡ୍ରୌସଭାଙ୍କୁ ହରାଇ ଫ୍ରେଞ୍ଚ ଓପନ ଟାଇଟେଲ ବିଜେତା ହୋଇଥିଲେ । ତେବେ କୋରୋନା ସଂକ୍ରମଣ ସମୟରେ ସ୍ବାସ୍ଥ୍ୟ ପ୍ରତି ବିପଦ ରହିଥିବାରୁ ସେ ଟୁର୍ଣ୍ଣାମେଣ୍ଟରେ ଭାଗ ନେବେ ନାହିଁ ବୋଲି ଘୋଷଣା କରିଛନ୍ତି ।