ନୁର ସୁଲତାନ: ଡେଭିସ କପରେ ବିଜୟବାନା ଉଡାଇଛନ୍ତି ଭାରତୀୟ ଖେଳାଳି । ପାକିସ୍ତାନ ବିପକ୍ଷରେ ଭାରତୀୟ ଟେନିସ ଷ୍ଟାର ଲିଆଣ୍ଡର ପେସଙ୍କ ଲଢୁଆ ପ୍ରଦର୍ଶନ ଦେଖିବାକୁ ମିଳିଛି। ଯୁବ ଖେଳାଳି ଜୀବନ ନେଦୁଞ୍ଚେଜିଆନଙ୍କ ମିଶି ଲିଆଣ୍ଡର ପାକିସ୍ତାନ ଖେଳାଳି ମହମ୍ମଦ ସୋଏବ ଓ ହୁଫାଇଜା ଅବଦୁଲ ରେହମାନ ଯୋଡିକୁ 6-1, 6-3 ପଏଣ୍ଟରେ ପରାସ୍ତ କରିଛନ୍ତି ।
ଡେଭିସ କପ: ପାକିସ୍ତାନକୁ ହରାଇ ବିଜୟୀ ଭାରତ - ଡେଭିସ କପ ଭାରତ ପାକିସ୍ତାନ
ଡେଭିସ କପରେ ପାକିସ୍ତାନ ବିପକ୍ଷରେ ବିଜୟୀ ଭାରତ। ଭାରତୀୟ ଟେନିସ ଷ୍ଟାର ଲିଆଣ୍ଡର ପେସ ଓ ଯୁବ ଖେଳାଳି ଜୀବନ ନେଦୁଞ୍ଚେଜିଆନଙ୍କ ଯୋଡି ପାକିସ୍ତାନ ଖେଳାଳି ମହମ୍ମଦ ସୋଏବ ଓ ହୁଫାଇଜା ଅବଦୁଲ ରେହମାନ ଯୋଡିକୁ 6-1, 6-3 ପଏଣ୍ଟରେ ପରାସ୍ତ କରିଛନ୍ତି।
ବିଜୟୀ ଭାରତ
ମାତ୍ର 53 ମିନିଟରେ ହିଁ ପାକିସ୍ତାନ ଖେଳାଳିଙ୍କୁ ମାତ ଦେଇଥିଲେ ଅଭିଜ୍ଞ ଲିଆଣ୍ଡର ଓ ଜୀବନ। ଡେଭିସ କପ ଡବଲ୍ସ ଇଭେଣ୍ଟରେ 44ତମ ଲିଆଣ୍ଡର ପେସଙ୍କ ଏହା 44ତମ ମ୍ୟାଚ ବିଜୟ । ଏହି ବିଜୟ ସହ ଭାରତ 4-0ରେ ଅଗ୍ରଣୀ ଲାଭ କରିଛି ।
ଭାରତ-ପାକିସ୍ତାନ ମଧ୍ୟରେ ଏହି ମ୍ୟାଚ ଇସଲାମବାଦରେ ହେବା ନେଇ ପୂର୍ବରୁ ନିର୍ଧାରିତ ହୋଇଥିଲା । ମାତ୍ର ସୁରକ୍ଷା କାରଣ ଦର୍ଶାଇ ମ୍ୟାଚର ଆୟୋଜନର ସ୍ଥାନ ପରିବର୍ତ୍ତନ ପାଇଁ ଭାରତ ଆନ୍ତଜାର୍ତିୟ ଟେନିସ ଫେଡେରେସନ(ITF) କୁ ଅନୁରୋଧ କରିଥିଲା । ପରେ ମ୍ୟାଚ ନ୍ୟୁଟ୍ରାଲ ଭେନ୍ୟୁ ନୁର-ସୁଲତାନରେ ଖେଳାଯାଇଛି।