ଦୁବାଇ: ଚଳିତ ଟି-ଟେଣ୍ଟି ବିଶ୍ବକପ ସେମି ଦୌଡରୁ ବାଦ ପଡିଛି ଭାରତ । ବିଶ୍ବକପ ଜିତିବା ସ୍ବପ୍ନ ଭାଙ୍ଗି ଚୁରମାର ହୋଇଛି । କୋଟି କୋଟି କ୍ରିକେଟପ୍ରେମୀ ନିରାଶ ହୋଇଛନ୍ତି । ଆଜି(ସୋମବାର) ସୁପର-୧୨ ରାଉଣ୍ଡରେ ଭାରତ ଓ ନାମ୍ବିଆ ମଧ୍ୟରେ ଏକ ମ୍ୟାଚ ଖେଳାଯିବ । ଏହି ମ୍ୟାଚର ଫଳାଫଳ କିଛି ପ୍ରଭାବ ପକାଇବ ନାହିଁ । ଭାରତ ଜିତିଲେ ମଧ୍ୟ କିଛି ଲାଭ ନାହିଁ । କେବଳ ସମ୍ମାନ ବଞ୍ଚାଇବାକୁ ଅନ୍ତିମ ମ୍ୟାଚ ଖେଳିବ ଭାରତ ।
ଭାରତ ଶେଷ ଥର ପାଇଁ ୨୦୧୨ରେ ଟି-ଟେଣ୍ଟି ବିଶ୍ବକପ ସେମିଫାଇନାଲ ମ୍ୟାଚ ଖେଳି ନଥିଲା । ୨୦୧୫ ଓ ୨୦୧୯ରେ ଦିନିକିଆ ବିଶ୍ବକପରେ ଭାରତ ସେମିରେ ପ୍ରବେଶ କରିଥିଲା । ୨୦୧୪ରେ ଟି-ଟେଣ୍ଟି ବିଶ୍ବକପରେ ରନର୍ସ ଅପ ହୋଇଥିଲା ଓ ୨୦୧୬ରେ ସେମିଫାଇନାଲ ଖେଳିଥିଲା । ହେଲେ ଏଥର ସେତକ ବି ହେଲାନାହିଁ । ଲଗାତାର ତିନୋଟି ମ୍ୟାଚ ହାରିବା ପରେ ଦଳର ସତ୍ତା ହରାଇଥିଲା । ଯେଉଁ ଦୁଇଟି ମ୍ୟାଚ ଜିତି ସେମି ଆଶା ରହିଥିଲା ସେତକ ବି ଅଧାରେ ରହିଲା । ଗତକାଲି ଆଫଗାନିସ୍ତାନ ହାରିବା ପରେ ଭାରତର ସେମି ଆଶା ମଉଳିଯାଇଛି ।