ନୂଆଦିଲ୍ଲୀ: ବିଶ୍ବ ଚମ୍ପିଆନ ତଥା ଭାରତର ଷ୍ଟାର ଜାଭେଲିନ ତାରକା ନୀରଜ ଚୋପ୍ରା ଆଉ ଏକ ସଫଳତା ହାସଲ କରିଛନ୍ତି । ଜୁରିକ ଡାଇମଣ୍ଡ ଲିଗରେ ଦ୍ବିତୀୟ ସ୍ଥାନ ଅଧିକାର କରି ରୌପ୍ୟ ପଦକ ଜିତିଛନ୍ତି ନୀରଜ ଚୋପ୍ରା । ସେ ଚତୁର୍ଥ ପ୍ରୟାସରେ 85.71 ମିଟର ଜାଭେଲିନ ଭିଙ୍ଗି ଏହି ସଫଳତା ହାସଲ କରିଛନ୍ତି ।
ନୀରଜ ତାଙ୍କ ପ୍ରଥମ ଥ୍ରୋରେ 80.79 ମିଟର ଜାଭେଲିନ ଫିଙ୍ଗିଥିଲେ । ପରବର୍ତ୍ତୀ ଦୁଇଟି ଯାକ ଥ୍ରୋ ଫାଉଲ ହୋଇଥିଲା । 3ଟି ରାଉଣ୍ଡ ସୁଦ୍ଧା ସେ ପଞ୍ଚମ ସ୍ଥାନରେ ରହିଥିଲେ । ଚତୁର୍ଥ ପ୍ରୟାସରେ ନୀରଜ 85.22ମିଟର ଜାଭେଲିନ ଫିଙ୍ଗି ପଦକ ପକ୍କା କରିଥିଲେ । ଅନ୍ତିମ ପ୍ରୟାସରେ ସେ 85.71 ମିଟର ଜାଭେଲିନ ଫିଙ୍ଗି ରୌପ୍ୟ ପଦକ ଜିତିଥିଲେ । ଚେକ ଗଣରାଜ୍ୟର ଜାକୁବ ଭାଲଡେଚ 85.86 ମିଟର ଜାଭେଲିନ ଫିଙ୍ଗି ପ୍ରଥମ ସ୍ଥାନରେ ରହିବା ସହ ସ୍ବର୍ଣ୍ଣ ପଦକ ଜିତିଛନ୍ତି । ସେହିପରି ଜର୍ମାନୀର ଜୁଲିଆନ ୱେବର 85.04 ମିଟର ଜାଭେଲିନ ଫିଙ୍ଗି ତୃତୀୟ ସ୍ଥାନରେ ରହି ବ୍ରୋଞ୍ଜ ପଦକ ଜିତିଛନ୍ତି ।
ଅନ୍ୟପଟେ ପୁରୁଷ ଲଙ୍ଗ ଜମ୍ପ ଇଭେଣ୍ଟରେ ଭାରତର ମୁରଲୀ ଶ୍ରୀଶଙ୍କର 7.99ମିଟର ଦୂର ଜମ୍ପ ସହ ପଞ୍ଚମ ସ୍ଥାନରେ ରହିଛନ୍ତି । ସେ ତାଙ୍କ ପ୍ରଥମ ପ୍ରୟାସରେ ଏହି ଦୂରତା ଛୁଇଁଥିଲେ । ବିଶ୍ବ ଚମ୍ପିଆନଲ ଗ୍ରୀସର ମିଲଚିଆଡିସ ଚେଣ୍ଟୋଗ୍ଲୋ 8.20ମିଟର ଦୂର ଡେଇଁ ସ୍ବର୍ଣ୍ଣ ପଦକ ହାସଲ କରିଛନ୍ତି । ଜମାଇକା ଆଥଲେଟ 8.07 ମିଟର ଜମ୍ପ କରି ରୌପ୍ୟ ଜିତିଥିବାବେଳେ ଆମେରିକାର ଜାରିୟନ ଲସନ 8.05 ମିଟର ଜମ୍ପ କରି ବ୍ରୋଞ୍ଜ ପଦକ ଜିତିଛନ୍ତି ।