ଲାସକୋ(ସ୍ଲୋଭେନିଆ):ଭାରତୀୟ ଯୋଡି ମନିକା ବାତ୍ରା ଓ ଅର୍ଚ୍ଚନା କମଥ ଲାସକୋରେ ଅନୁଷ୍ଠିତ WTT କଣ୍ଟେଣ୍ଡର ଟୁର୍ଣ୍ଣାମେଣ୍ଟରେ ମହିଳା ଡବଲ୍ସ ଟାଇଟେଲ ବିଜୟୀ ହୋଇଛନ୍ତି ।
ଭାରତୀୟ ଯୋଡି ପୁଏର୍ଟୋ ରିକାନ ଟିମର ମେଲାନିଏ ଡିଆଜ ଓ ଆଡ୍ରିଆନା ଡିଆଜଙ୍କୁ ୧୧-୩, ୧୧-୮, ୧୨-୧୦ ସିଧାସଳଖ ସେଟ୍ରେ ହରାଇଛନ୍ତି ।
ସେମିଫାଇନାଲରେ ୱାଙ୍ଗ୍ ୟିଦି ଓ ଲିୟୁ ୱେଇସନଙ୍କୁ ୧୧-୬, ୮-୧୧, ୧୧-୬, ୫-୧୧, ୧୧-୮ ସେଟ୍ରେ ହରାଇ ଫାଇନାଲରେ ପ୍ରବେଶ କରିଥିଲେ ମନିକା ବାତ୍ରା ଓ ଅର୍ଚ୍ଚନା ଗିରି କମଥ ।
ପୂର୍ବରୁ ଶୁକ୍ରବାର ମନିକା ବାତ୍ରା ମହିଳା ସିଙ୍ଗଲ୍ସ ସେମିଫାଇନାଲରେ ପରାଜୟ ପରେ ବ୍ରୋଞ୍ଜ ପଦକରେ ସନ୍ତୁଷ୍ଟ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
