ନୂଆଦିଲ୍ଲୀ:ବିବାଦ ଭିତରେ ଥିବା ଭାରତୀୟ କସ୍ତୁ ସଂଘ ନିର୍ବାଚନ ତାରିଖ ପୁଣି ବଦଳିଛି । ଜୁଲାଇ 4 ତାରିଖରେ ଦେବାକୁ ଥିବା ଭାରତୀୟ କସ୍ତୁ ସଂଘ ନିର୍ବାଚନ ଜୁଲାଇ 6 ତାରିଖରେ ହେବ । ଏ ନେଇ ନବନିଯୁକ୍ତ ନିର୍ବାଚନ ଅଧିକାରୀ ଜାମ୍ମୁ କାଶ୍ମୀର ହାଇକୋର୍ଟର ପୂର୍ବତନ ମୁଖ୍ୟ ବିଚାରପତି ମହେଶ ମିତ୍ତଲ କୁମାର ଘୋଷଣା କରିଛନ୍ତି । ନିର୍ବାଚନ ନେଇ ପ୍ରକ୍ରିୟା ଆରମ୍ଭ କରିଛି ଭାରତୀୟ ଅଲମ୍ପିକ ଆସୋସିଏସନ ।
ଏହା ବି ପଢନ୍ତୁ...କୋହଲି ଟେଷ୍ଟ୍ ଅଧିନାୟକ ପଦ ଛାଡ଼ନ୍ତୁ ବୋଲି ବିସିସିଆଇ ପ୍ରସ୍ତୁତ ନଥିଲା: ସୌରଭ ଗାଙ୍ଗୁଲି
ଆସନ୍ତା 23ରୁ 25 ତାରିଖ ମଧ୍ୟରେ ନାମାଙ୍କନ ଦାଖଲ ଏବଂ 28ରୁ ଜୁନ 1 ତାରିଖ ମଧ୍ୟରେ ପ୍ରାର୍ଥୀପତ୍ର ପ୍ରାତ୍ୟାହାର ସମୟ ରହିଛି । ସେହିପରି ଜୁଲାଇ 2 ତାରିଖରେ ଚୂଡାନ୍ତ ତାଲିକା ପ୍ରକାଶ ପାଇବ । 6 ତାରିଖରେ ନିର୍ବାଚନ ଅନୁଷ୍ଠିତ ହେବ । ଗତ ଜୁନ 7 ତାରିଖରେ କେନ୍ଦ୍ର କ୍ରୀଡାମନ୍ତ୍ରୀ ଅନୁରାଗ ଠାକୁର ଏବଂ କୁସ୍ତିଯୋଦ୍ଧାଙ୍କ ମଧ୍ୟରେ ଆଲୋଚନା ହୋଇଥିଲା । ଆନ୍ଦୋଳନର ନେତୃତ୍ବ ନେଇଥିବା ସାକ୍ଷୀ ମଲିକ, ବଜରଙ୍ଗ ପୁନିଆଙ୍କ ସହ ଆଲୋଚନା କରି ନିର୍ବାଚନ ହେବା ନେଇ କହିବା ପରେ ପ୍ରକ୍ରିୟା ଆରମ୍ଭ ହୋଇଥିଲା । ପୂର୍ବତନ ସଭାପତି ବ୍ରିଜ ଭୂଷଣ ଶରଣ ସିଂ ଗିରଫ ଦାବିରେ କୁସ୍ତିଯୋଦ୍ଧା ଆନ୍ଦୋଳନ ଚଳାଇଛନ୍ତି । କ୍ରୀଡ଼ାମନ୍ତ୍ରୀଙ୍କ ପ୍ରତିଶ୍ରୁତି ପରେ ଜୁନ 15 ତାରିଖ ଯାଏଁ ଆନ୍ଦୋଳନକୁ ସ୍ଥଗିତ ରଖିଛନ୍ତି କୁସ୍ତିଯୋଦ୍ଧା । ନିର୍ବାଚନ ଦିନ ହିଁ ଫଳାଫଳ ପ୍ରକାଶ ପାଇବ ।