ନୂଆଦିଲ୍ଲୀ: ଛତ୍ରଶାଲ ଷ୍ଟାଡିୟମରେ ହୋଇଥିବା କୁସ୍ତିଯୋଦ୍ଧା ସାଗର ହତ୍ୟା ମାମଲାରେ ବଡ ଖୁଲାସା । ଅଭିଯୁକ୍ତ କୁସ୍ତିଯୋଦ୍ଧା ସୁଶୀଲ କୁମାର ସାଗରଙ୍କୁ ପିଟୁଥିବାର ଭିଡିଓ ସାମ୍ନାକୁ ଆସିଛି । ଭିଡିଓରେ ସୁଶୀଲଙ୍କ ହାତରେ ଏକ ଶକ୍ତ ବାଡି ଥିବା ସ୍ପଷ୍ଟ ଜଣାପଡୁଛି । ଏହି ମାମଲାରେ ପୋଲିସ ପାଖରେ ମାରପିଟର ଭିଡିଓ ଫୁଟେଜ ପୂର୍ବରୁ ରହିଛି । ଏଫଏସଏଲର ରିପୋର୍ଟରେ ଏହା ମଧ୍ୟ ସ୍ପଷ୍ଟ ହୋଇଛି ଯେ, ଭିଡିଓ ସହ କୌଣସି ପ୍ରକାର ଏପଟ ସେପଟ କରାଯାଇନାହିଁ ।
ସାମ୍ନାକୁ ଆସିଲା ସୁଶୀଲଙ୍କ ସାଙ୍ଘାତିକ ସତ, ମୃତ ସାଗରଙ୍କୁ ପିଟୁଥିବାର ଭିଡିଓ ଭାଇରାଲ
ଗତ 4 ମେ ବିଳମ୍ବିତ ରାତିରେ ଛତ୍ରଶାଲ ଷ୍ଟାଡିୟମରେ ସାଗର ଏବଂ ତାଙ୍କର ଦୁଇ ସାଥୀ ଅମିତ ଓ ସୋନୁଙ୍କୁ ପିଟାଯାଇଥିଲା । ଏହି ସମୟର ଭିଡିଓ ଦିଲ୍ଲୀ ପୋଲିସ ପାଖରେ ମଧ୍ୟ ମହଜୁଦ ରହିଛି ।